ଭୁବନେଶ୍ବର: ଏମ୍ସରେ ଆରମ୍ଭ ହେଲା ରାଜ୍ୟର ପ୍ରଥମ ସ୍ବତନ୍ତ୍ର ହ୍ୟାଣ୍ଡ କ୍ଲିନିକ ସେବା (special hand clinic service in aiims)। ଏହା ହାତ ସମ୍ବନ୍ଧୀୟ ବିଭିନ୍ନ ସମସ୍ୟାର ସାମଗ୍ରୀକ ଯତ୍ନ ନେବା ଉଦ୍ଦେଶ୍ୟରେ ଖୋଲାଯାଇଛି । ତେବେ ଏମ୍ସ ଭୁବନେଶ୍ବରର ବର୍ଣ୍ଣସ ଏବଂ ପ୍ଲାଷ୍ଟିକ୍ ସର୍ଜରୀ ବିଭାଗରେ ଏକ ସ୍ବତନ୍ତ୍ର ହ୍ୟାଣ୍ଡ (ହାତ) କ୍ଲିନିକ୍ କାର୍ଯ୍ୟ ଆରମ୍ଭ ହୋଇଛି । ଜାତୀୟ ହ୍ୟାଣ୍ଡ ସର୍ଜରୀ ଦିବସ (୨୩ ଅଗଷ୍ଟ) ଅବସରରେ ଅର୍ଥୋପେଡିକ୍ ଏବଂ ପିଏମଆର ବିଭାଗର ମିଳିତ ସହଯୋଗରେ ଏହି ସ୍ବତନ୍ତ୍ର ହ୍ୟାଣ୍ଡ କ୍ଲିନିକ୍ ଉଦଘାଟିତ ହୋଇଛି ।
ଏହି କ୍ଲିନିକ୍ ବର୍ଣ୍ଣସ୍ ଏବଂ ପ୍ଲାଷ୍ଟିକ୍ ସର୍ଜରୀ ଓପିଡିରେ ପ୍ରତ୍ୟେକ ମଙ୍ଗଳବାର ଦିନ ଅଢ଼େଇଟାରୁ ସାଢ଼େ ଚାରିଟା ପର୍ଯ୍ୟନ୍ତ କାର୍ଯ୍ୟ କରିବ। ରାଜ୍ୟରେ ପ୍ରଥମ କରି ଏପରି କ୍ଲିନିକ୍ କାର୍ଯ୍ୟ ଆରମ୍ଭ ହୋଇଛି। ସବୁ ବୟସ ବର୍ଗର ବ୍ୟକ୍ତିଙ୍କର ହାତ ସହିତ ଜଡ଼ିତ ବିଭିନ୍ନ ରୋଗର ସମ୍ପୂର୍ଣ୍ଣ ଚିକିତ୍ସା କ୍ଷେତ୍ରରେ ଏହା ବିଶେଷ ଭୂମିକା ଗ୍ରହଣ କରିବ। ଏହି କ୍ଲିନିକ ଉପରୋକ୍ତ ଆବଶ୍ୟକତା ଗୁଡ଼ିକୁ ପୂରଣ କରିବାରେ ସହାୟକ ହେବା ନେଇ ଏମ୍ସ ପକ୍ଷରୁ କୁହାଯାଇଛି।ଏହି ଅବସରରେ ଏମ୍ସ ଭୁବନେଶ୍ବର କାର୍ଯ୍ୟନିର୍ବାହୀ ନିର୍ଦ୍ଦେଶକ ପ୍ରଫେସର ଡ ଆଶୁତୋଷ ବିଶ୍ବାସ ଏପରି କ୍ଲିନିକ୍ ଆରମ୍ଭ କରିଥିବାରୁ ତିନି ବିଭାଗର ଡାକ୍ତରମାନଙ୍କୁ ଅଭିନନ୍ଦନ ଜଣାଇଛନ୍ତି।
ଏହା ବି ପଢନ୍ତୁ-Capital Hospital, ସେପ୍ଟେମ୍ବରରୁ ଆରମ୍ଭ ହୋଇପାରେ PGI ନାମଲେଖା
ରାଜ୍ୟରେ ପ୍ରଥମ କୁହାଯାଉଥିବା ଏପରି ସ୍ବତନ୍ତ୍ର ହ୍ୟାଣ୍ଡ କ୍ଲିନିକ୍ ନିଶ୍ଚିତ ଭାବରେ ସମସ୍ତ ବୟସ ବର୍ଗର ଲୋକଙ୍କୁ ଟେଣ୍ଡନ୍ ଏବଂ ସ୍ନାୟୁ ଆଘାତ, ଭଙ୍ଗା, ସ୍ଥାନାନ୍ତର ଏବଂ ଷ୍ଟ୍ରେନ୍, ଆମ୍ପ୍ୟୁଟେସନ୍, କାର୍ପାଲ୍ ଟନେଲ୍ ସିଣ୍ଡ୍ରୋମ୍, ଆଣ୍ଠୁଗଣ୍ଠି ବାତ(ରିମାଟଏଡ୍ ଆର୍ଥ୍ରାଇଟିସ୍) ଏବଂ ଅନ୍ୟାନ୍ୟ ହାତ ସମସ୍ୟାର ସମାଧାନ କରିବାରେ ସାହାଯ୍ୟ କରିବ।ତେବେ ଏମ୍ସ ଭୁବନେଶ୍ବର ସର୍ବଦା ଅଭିନବ ଉପାୟ ମାଧ୍ୟମରେ ଲୋକଙ୍କୁ ସେବା କରିବାକୁ ପ୍ରତିଶ୍ରୁତିବଦ୍ଧ ବୋଲି ଡ. ବିଶ୍ବାସ ମତବ୍ୟକ୍ତ କରିଛନ୍ତି। ଏହି କାର୍ଯ୍ୟକ୍ରମରେ ବର୍ଣ୍ଣସ୍ ଆଣ୍ଡ୍ ପ୍ଲାଷ୍ଟିକ୍ ସର୍ଜରୀ ବିଭାଗ ମୁଖ୍ୟ ଡ. ସଞ୍ଜୟ ଗିରି, ଅର୍ଥୋପେଡିକ୍ ବିଭାଗ ମୁଖ୍ୟ ଡ. ବିଷ୍ଣୁ ପାତ୍ର ଏବଂ ପିଏମଆର ବିଭାଗ ମୁଖ୍ୟ ଡ. ଜଗନ୍ନାଥ ସାହୁ ଉପସ୍ଥିତ ରହି ରୋଗୀଙ୍କ ଚିକିତ୍ସା କରିଥିଲେ। ପ୍ଲାଷ୍ଟିକ୍ ସର୍ଜରୀ ବିଭାଗର ଆସୋସିଏଟ୍ ପ୍ରଫେସର ଡ. ଶାନ୍ତନୁ ସୁବା ଏହି କ୍ଲିନିକର ମୁଖ୍ୟ ଭାବେ କାର୍ଯ୍ୟ କରିବେ ।
ତେବେ ଏହି କ୍ଲିନିକରେ ଟେଣ୍ଡୋନାଇଟିସ୍, ହ୍ୟାଣ୍ଡ୍ କଣ୍ଟ୍ରାକ୍ଟର୍ସ, କୋମଳ ଟିସୁ ଆଘାତ, ବର୍ନସ୍, ଡାଇବେଟିସ୍, ଜନ୍ମ ସମୟରେ ଉପସ୍ଥିତ ଥିବା ଅନୋମାଲିୟସ୍, ବ୍ରାକିଆଲ୍ ପ୍ଲେକ୍ସସ୍ ଆଘାତ, ରେଡିଏସନ୍ ଏବଂ ଲିମ୍ଫେଡେମା ପରବର୍ତ୍ତୀ ସଂକ୍ରମଣ ସମେତ ହାତର ବିଭିନ୍ନ ଅବସ୍ଥା ଅନ୍ତର୍ଭୁକ୍ତ ହେବ ବୋଲି ଡ. ସୁବା ସୂଚନା ଦେଇଛନ୍ତି। ସେହିଭଳି ଆଘାତପ୍ରାପ୍ତ ହାତର କାର୍ଯ୍ୟକ୍ଷମ ମୂଲ୍ୟାଙ୍କନ ଏବଂ ଗତି, ଶକ୍ତି ବୃଦ୍ଧି ପାଇଁ ବିଭିନ୍ନ କାର୍ଯ୍ୟକଳାପ ଯତ୍ନ ସୁବିଧା ରହିବ। ରୋଗୀମାନଙ୍କୁ ସଙ୍କୋଚନ ଚିକିତ୍ସା ଏବଂ ଏଡିମା ପରିଚାଳନା, ସ୍କାର୍ ଟିସୁ ପରିଚାଳନା, ଡିସେନ୍ସିଟାଇଜେସନ୍ ଚିକିତ୍ସା ମଧ୍ୟ ଯୋଗାଇ ଦିଆଯିବ। ଯନ୍ତ୍ରଣା ଏବଂ ଷ୍ଟିଫନେସକୁ କମ୍ କରିବା ପାଇଁ ଟିସୁ ଏବଂ ମିଳିତ ପୂର୍ବ ସର୍ତ୍ତ, ମିଳିତ ସୁରକ୍ଷା ଏବଂ ଶକ୍ତି ସଂରକ୍ଷଣ ତାଲିମ, ସହାୟକ ଉପକରଣ ପାଇଁ କୌଶଳ ଏବଂ ପରାମର୍ଶ, ମାନୁଆଲ୍ ଥେରାପି, କଷ୍ଟମ୍-ନିର୍ମିତ ଅର୍ଥୋଟିକ୍ସ ଅସ୍ତ୍ରୋପଚାର ପରେ ହାତକୁ ରକ୍ଷା କରିବା, ଆଘାତ କିମ୍ବା ବିକଳାଙ୍ଗକୁ ସଂଶୋଧନ କରିବା ସମେତ ଯନ୍ତ୍ରଣା ପରିଚାଳନା ଏବଂ କୁତ୍ରିମ ଅଙ୍ଗ(ପ୍ରୋଥେଟିକ୍ସ) ବ୍ୟବହାର ପାଇଁ ତାଲିମ ବ୍ୟବସ୍ଥା ଏହି ସ୍ବତନ୍ତ୍ର ହ୍ୟାଣ୍ଡ କ୍ଲିନିକରେ ଉପଲବ୍ଧ ହେବା ନେଇ ଡ. ସୁବା ପ୍ରକାଶ କରିଛନ୍ତି ।
ଇଟିଭି ଭାରତ, ଭୁବନେଶ୍ବର
