ହାଇଦ୍ରାବାଦ: ରାଜ୍ୟ ପାଇଁ ଅନ୍ତର୍ଜାତୀୟସ୍ତରରେ ଗର୍ବ ଆଣିଥିବା ଦୌଡରାଣୀ ଦୂତୀ ଚାନ୍ଦ ପୁଣି ଚର୍ଚ୍ଚାରେ । ପୂର୍ବରୁ ନିଜ ପର୍ସନାଲ ଲାଇଫକୁ ନେଇ ଚର୍ଚ୍ଚାରେ ରହିଥିବା ଦୂତୀ ଏବେ ନିଜ ଟ୍ବିଟକୁ ନେଇ ପୁଣି ଚର୍ଚ୍ଚାରେ । ଏହି ଟ୍ବିଟରେ ଦୂତୀ ରାଜନୀତି ପ୍ରତି ଥିବା ତାଙ୍କର ଦୁର୍ବଳତା କଥା ପ୍ରକାଶ କରିଛନ୍ତି ।
ଦୂତୀ ନିଜ ଟ୍ବିଟରେ କହିଛନ୍ତି କି ସେ ଏପରି ପରିବାରରେ ବଢିଛନ୍ତି ଯାହା ଆରମ୍ଭରୁ ହିଁ ରାଜନୀତି ସହ ଜଡିତ । ତାଙ୍କ ମା’ ମଧ୍ୟ ଗାଁର ସରପଞ୍ଚ ଥିଲେ । ଯାହା ତାଙ୍କର ରାଜନୀତି ପ୍ରତି ଦୁର୍ବଳତାକୁ ଦର୍ଶାଇଥିଲା । ଏଥିରୁ ଦୂତୀ ବି ବାଦ ପଡିନାହାନ୍ତି । ସେ ବି ରାଜନୀତିରେ ଯୋଗ ଦେବାକୁ ଇଚ୍ଛୁକ ବୋଲି ପ୍ରକାଶ କରିଛନ୍ତି । ଏହି ଟ୍ବିଟ ପରେ ଏବେ ରାଜନୈତିକ ଓ କ୍ରୀଡା ଜଗତରେ ଆରମ୍ଭ ହୋଇଯାଇଛି ଗଣନା ।
ସମସ୍ତଙ୍କ ପ୍ରଶ୍ନ ଯଦି ଦୂତୀ ରାଜନୀତିରେ ଯୋଗ ଦିଅନ୍ତି ତେବେ କେଉଁ ଦଳରେ ମିଶିବେ ଓ ଲୋକଙ୍କ କଲ୍ୟାଣ ପ୍ରତି ତାଙ୍କର ଅବଦାନ କ’ଣ ରହିବ । ତେବେ ନିଜ ସମଲିଙ୍ଗୀ ସମ୍ପର୍କକୁ ନେଇ ଆରମ୍ଭ ହୋଇଥିବା ଚର୍ଚ୍ଚା ନଥମୁଣୁ ପୁଣି ମୁଣ୍ଡ ଟେକିଛି ଆଉ ଏକ ରାଜନୈତିକ ଚର୍ଚ୍ଚା । ଦେଖିବାକୁ ବାକି ରହିଲା ଦୂତୀଙ୍କ ଏହି ଟ୍ବିଟ କେବେ ସତ ହେଉଛି ଓ କେଉଁ ଦଳରେ ସାମିଲ ହେଉଛନ୍ତି ରାଜ୍ୟର ଦୌଡରାଣୀ ।
