ଭୁବନେଶ୍ବର: ଜୋରଦାର ହେବ ସୋସିଆଲ ଡିଷ୍ଟାନ୍ସ ବା ସାମାଜିକ ଦୂରତା ଫାଇନ ଆଦୟ । ବଜାର ଛକରେ ନ ପିନ୍ଧିଲେ ମାସ୍କ ଆଉ ମିଳିବ ନାହିଁ ତ୍ରାହି । ସୋସିଆଲ ଡିଷ୍ଟାନ୍ସ ନଥିଲେ ଗୋଡେଇ ଗୋଡେଇ କାଟିବେ ଫାଇନ । ଏଭଳି କଡାନିର୍ଦ୍ଦେଶ ଜାରି କରିଛି କମିଶନରେଟ ପୋଲିସ ।
ଧିରେ ଧିରେ ଦୋକାନ ବଜାର ଖୋଲୁଥିଲେ ମଧ୍ୟ ଲୋକେ ନିୟମ ମାନୁନାହାନ୍ତି । ଯାହାକୁ ନେଇ ଦିନକୁ ୫୦୦ରୁ ୬୦୦ ଲୋକଙ୍କୁ ଫାଇନ ହେଉଥିବା ବେଳେ ଏଣିକି ଜୋରଦାର ଆଦାୟ ହେବ ଅଧିକ ଲୋକଙ୍କଠୁ ଫାଇନ । ରାସ୍ତ ଘାଟ ବଜାର ଛକ ଯେଉଁଠି ସାମାଜିକ ଦୂରତା ନାହିଁ ସେଇଠି ୫୦୦ ଟଙ୍କା ଫାଇନ । ତେବେ ଏଭଳି ନିର୍ଦ୍ଦେଶ ପରେ ବାପୁଜୀନଗର, ଖଣ୍ଡଗିରି, ଲକ୍ଷ୍ମିସାଗର, ଚନ୍ଦ୍ରଶେଖରପୁର, ଇନଫୋସିଟି ଅଞ୍ଚଳରେ କମିଶନରେଟ ପୋଲିସ ଆରମ୍ଭ କରିଛି ଆକ୍ସନ । ମାଇକ ଓ ସାଇରନ ଯୋଗେ ସଚେତନତା ସହ ଯେଉଁଠି ନିୟମ ଉଲଙ୍ଘନ ହେଉଛି ସେଠି କାଟୁଛନ୍ତି ଫାଇନ । ତେବେ ଅନେକ ବଜାର ଆସୋସିଏସନ କହିଛନ୍ତି, ଆମେ ନିୟମ ମାନି ରହିବୁ ।
ତେବେ ଧିରେ ଧିରେ ଲକଡାଉନରେ ସ୍ଥିତି ସୁଧୁରୁଥିବା ବେଳେ ଚଳଚଞ୍ଚଳ ହେଉଛି ଲୋକଙ୍କ ଜୀବନ ଶୈଳୀ । ଏଭଳି ସ୍ଥିତିରେ କୋରେନା ମୁକାବିଲା ପାଇଁ ସାମାଜିକ ଦୂରତା ଓ ମାସ୍କ ପିନ୍ଧିବା ଜରୁରୀ । ସାମାଜିକ ଦୂରତା ଓ ମାସ୍କ ବ୍ୟବହାର ନକଲେ ଆଦାୟ ହେବ ଫାଇନ ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
