ଭୁବନେଶ୍ବର: ଆରମ୍ଭ ହେଲା ସଡକ ସୁରକ୍ଷା କାର୍ଯ୍ୟକ୍ରମ । କମିଶନରେଟ ପୋଲିସ ତରଫରୁ ଏହି କାର୍ଯ୍ୟକ୍ରମ ଆରମ୍ଭ କରାଯାଇଛି । ଏକ ବାଇକ ରାଲି କରି କାର୍ଯ୍ୟକ୍ରମ ଆରମ୍ଭ କରାଯାଇଛି । ପ୍ରତିବର୍ଷ 1 ସପ୍ତାହ ଧରି ସଡକ ସୁରକ୍ଷା କାର୍ଯ୍ୟକ୍ରମ ଚାଲୁଥିବାବେଳେ ଚଳିତବର୍ଷ ଏକ ମାସ ଧରି ଚାଲିବ । କେବଳ ଟ୍ରାଫିକ ଛକମାନଙ୍କରେ ନୁହେଁ ଏଥର ବିଶେଷ କରି ସ୍କୁଲ ଛାତ୍ରଛାତ୍ରୀ ଓ ଯୁବ ବର୍ଗଙ୍କୁ ସଚେତନ କରାଯିବ ବୋଲି କହିଛନ୍ତି ଟ୍ରାଫିକ ଡିସିପି ସୌମ୍ୟା ମିଶ୍ର ।
ଚଳିତବର୍ଷ ଏକ ମାସ ଧରି ଏହା ଚାଲିବାକୁ ଥିବାବେଳେ ବିଭିନ୍ନ ଥିମ୍ ନେଇ କାର୍ଯ୍ୟକ୍ରମମାନ କରାଯିବ ବୋଲି କହିଛନ୍ତି ପୋଲିସ କମିଶନର ସୁଧାଂଶୁ ଷଡଙ୍ଗୀ ।
ତେବେ ଏହି ବାଇକ ରାଲି ସ୍କୁଲ ଛାତ୍ରଛାତ୍ରୀଙ୍କ ଠାରୁ ଆରମ୍ଭ କରି ଯୁବ ବର୍ଗଙ୍କୁ ସଚେତନ କରିବ । ତେବେ ସଡ଼କ ଦୁର୍ଘଟଣାରେ 2020ରେ ଓଡିଶାରେ ୫୩୩୩ ଦୁର୍ଘଟଣା ଘଟିଛି । ସେଥିମଧ୍ୟରୁ ୨୦୦୦ ଲୋକ ଦୁର୍ଘଟଣାଗ୍ରସ୍ତ ହୋଇଛନ୍ତି । ସେମାନଙ୍କ ମଧ୍ୟରୁ ଭୁବନେଶ୍ବରରେ ୫୧୬ଟି ଦୁର୍ଘଟଣା ଘଟିଛି । ସେଥିରୁ ୧୬୦ ଜଣଙ୍କ ମୃତ୍ୟୁ ଘଟିଛି । ସେମାନଙ୍କ ମଧ୍ୟରୁ ୪୦୭ ଜଣ ଆହତ ହୋଇଛନ୍ତି । ଯେତିକି ମୃତ୍ୟୁ ହେଉଛି, ସେଥିରୁ ୬୦ ପ୍ରତିଶତ ମୋଟର ସାଇକେଲ ଆରୋହୀ ଵୋଲି କହିଛନ୍ତି ପୋଲିସ କମିଶନର । ସେପଟେ ଚଳିତବର୍ଷ ଦୁର୍ଘଟଣା ରୋକିବା ଏକ ବଡ ଚ୍ୟାଲେଞ୍ଜ ହେବ ବୋଲି କହିଛନ୍ତି ସିପି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
