ଭୁବନେଶ୍ବର: ରାଜଧାନୀରେ ମଙ୍ଗଳବାର 63 କୋରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ସୁସ୍ଥ ହୋଇଛନ୍ତି 93 । ଭୁବନେଶ୍ବରରେ ମୋଟ ସଂକ୍ରମଣ ସଂଖ୍ୟା 29 ହଜାର 837କୁ ବୃଦ୍ଧି ପାଇଛି। 779ଟି ରହିଛି ମୋଟ ସକ୍ରିୟ ମାମଲା ।
ମଙ୍ଗଳବାର ଭୁବନେଶ୍ବରରେ ସଙ୍ଗରୋଧ କେନ୍ଦ୍ରରୁ 15 ଆକ୍ରାନ୍ତ ଚିହ୍ନଟ ହୋଇଥିବା ବେଳେ ବେଳେ ସ୍ଥାନୀୟ ଅଞ୍ଚଳରୁ 48 ଜଣ ଚିହ୍ନଟ ହୋଇଛନ୍ତି । ତେବେ ସଙ୍ଗରୋଧ କେନ୍ଦ୍ର ଅପେକ୍ଷା ସ୍ଥାନୀୟ ସଂକ୍ରମଣ ବୃଦ୍ଧି ପାଉଛି । ଏପଟେ ମୋଟ ମୃତକଙ୍କ ସଂଖ୍ୟା 184 ଛୁଇଁଛି । ସଙ୍ଗରୋଧ କେନ୍ଦ୍ରରୁ ଚିହ୍ନଟ ହୋଇଥିବା 15 ଜଣଙ୍କ ମଧ୍ୟରେ 2 ଜଣ ବିଜେବି ନଗର, 2 ଜଣ ଚନ୍ଦ୍ରଶେଖରପୁର, 3 ଜଣ ସହିଦ ନଗର, 3 ଜଣ ଟଙ୍କପାଣି ରୋଡ଼ରୁ ରହିଛନ୍ତି ।
ସ୍ଥାନୀୟ ଅଞ୍ଚଳରୁ ଚିହ୍ନଟ ହୋଇଥିବା 48 ଆକ୍ରାନ୍ତଙ୍କ ମଧ୍ୟରୁ 3 ଜଣ ଆଚାର୍ଯ୍ୟ ବିହାର, 2 ଜଣ ଚନ୍ଦ୍ରଶେଖରପୁର, 2 ଜଣ ଚକେଇସିଆଣି, 2 ଜଣ ଜାଗମରା, 3 ଜଣ କଳିଙ୍ଗ ନଗର, 3 ଜଣ ଖଣ୍ଡଗିରି, 3 ଜଣ ପୋଖରିପୁଟ, 4 ଜଣ ଶାସ୍ତ୍ରୀ ନଗର, ଓ 3 ଜଣ ରସୁଲଗଡ ଆଦି ଅଞ୍ଚଳରୁ ଚିହ୍ନଟ ହୋଇଛନ୍ତି ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
