ଭୁବନେଶ୍ବର: ଅସହ୍ୟ ତାତିରୁ ମିଳିଲା ଆଶ୍ବସ୍ତି । ରାଜ୍ୟର ଅନେକ ଜିଲ୍ଲାରେ ଆଜି ବର୍ଷା ସହ କୁଆପଥର ମାଡ ହୋଇଥିବା ପଣିପାଗ ବିଭାଗ ସୂଚନା ଦେଇଛି। ଦାରିଙ୍ଗବାଡିରରେ ସର୍ବାଧିକ 19.9 ମିଲିମିଟର ବର୍ଷା ରେକର୍ଡ କରାଯାଇଥିବା ବେଳେ ସୁନ୍ଦରଗଡରେ 5 ଓ କେନ୍ଦୁଝରରେ 1 ମିଲିମିଟର ବର୍ଷା ରେକର୍ଡ ହୋଇଛି ।
ଭିଡିଓ ସୌଜନ୍ୟ: ପ୍ରତିନିଧି, ଭୁବନେଶ୍ବର
ତେବେ ସୁନ୍ଦରଗତ,କେନ୍ଦୁଝର ଓ ମୟୁରଭଞ୍ଜ ଜିଲ୍ଲାରେ କାଳବୈଶାଖୀର ପ୍ରଭାଵ ଦେଖିବାକୁ ମିଳିବ ବୋଲି ପାଣିପାଗ ବିଭାଗ ବୁଲେଟିନ ଜାରି କରି କହିଛି ।
ସେପଟେ ରାଜ୍ୟର ଅଧିକାଂଶ ସହରର ତାପମାତ୍ରା ଆଜି ହ୍ରାସ ପାଇଛି । ମାଲକାନଗିରିରେ ସର୍ବାଧିକ ତାପମାତ୍ରା 38.8 ଡିଗ୍ରୀ ରେକର୍ଡ କରାଯାଇଥିବା ବେଳେ ରାଜଧାନୀରେ 37 ଡ଼ିଗ୍ରୀ ତାପମାତ୍ରା ରେକର୍ଡ କରାଯାଇଛି । ତେବେ 20 ତାରିଖ ପର୍ଯ୍ୟନ୍ତ ଏଭଳି ମେଘୁଆ ପାଗ ରହିବ ବୋଲି ଆଞ୍ଚଳିକ ପଣିପାଗ କେନ୍ଦ୍ରରୁ ସୂଚନା ମିଳିଛି।
ଭୁବନେଶ୍ବରରୁ ଶତରୁପା ସାମନ୍ତରାୟ, ଇଟିଭି ଭାରତ
