ଭୁବନେଶ୍ବର: ଶିକ୍ଷାଅନୁଷ୍ଠାନ ଗୁଡିକରେ ସଂକ୍ରମଣ ବଢ଼ିବାରେ ଲାଗୁଛି। ଏହାକୁ ନେଇ ଏବେ ଚିନ୍ତାରେ ଅଭିଭାବକ। ତେବେ ଯଦି ପିଲାଙ୍କୁ ଥଣ୍ଡା ଜ୍ୱର ଦେଖାଯାଉଛି ତେବେ ସେମାନଙ୍କୁ ସ୍କୁଲ ଓ କଲେଜକୁ ନଛାଡିବା ପାଇଁ ସ୍ୱାସ୍ଥ୍ୟ ବିଭାଗର ନିବେଦନ। ସ୍କୁଲ ଅପେକ୍ଷା ହଷ୍ଟେଲରେ ପଜିଟିଭ ରିପୋର୍ଟ ଅଧିକ ରହିଛି । କିଛି ଶିକ୍ଷକ ଏବଂ କର୍ମଚାରୀ ପଜିଟିଭ ଚିହ୍ନଟ ହୋଇଛନ୍ତି । ସମସ୍ତଙ୍କ ରିପୋର୍ଟ ସ୍ୱାସ୍ଥ୍ୟ ବିଭାଗ ପାଖରେ ରହିବା ସହ ସଚେତନ କାର୍ଯ୍ୟକ୍ରମ ଚାଲିଛି ବୋଲି କହିଛନ୍ତି ଜନସ୍ୱାସ୍ଥ୍ୟ ନିର୍ଦ୍ଦେଶକ ନିରଞ୍ଜନ ମିଶ୍ର ।
ରାଜ୍ୟରେ ଶିକ୍ଷକ ଓ କର୍ମଚାରୀ ଟିକା ନେଇଛନ୍ତି। ଯେଉଁମାନେ ଟିକା ନେଇ ନାହାନ୍ତି ସେମାନଙ୍କୁ ଜଲଦି ଟିକା ନେବାକୁ ନିର୍ଦ୍ଦେଶ ଦିଆଯାଇଛି । ଏହାସହ ମଧ୍ୟ 18 ବର୍ଷରୁ ଅଧିକ ବର୍ଷର ପିଲାମାନେ ଖୁବ୍ଶୀଘ୍ର ଟିକା ନେବାକୁ ପରାମର୍ଶ ଦେଇଛନ୍ତି ଜନସ୍ୱାସ୍ଥ୍ୟ ନିର୍ଦ୍ଦେଶକ । ଯାହାର ଲକ୍ଷଣ ବାହାରୁଛି ସେମାନଙ୍କୁ ସ୍କୁଲକୁ ନଛାଡିବାକୁ ଅଭିଭାବକଙ୍କୁ ନିବେଦନ କରିଛନ୍ତି ଜନସ୍ୱାସ୍ଥ୍ୟ ନିର୍ଦ୍ଦେଶକ । ଯାହାର ଲକ୍ଷଣ ବାହାରୁଛି ତାଙ୍କୁ ସ୍କୁଲକୁ ଛାଡ଼ନ୍ତୁ ନାହିଁ । ହଷ୍ଟେଲରେ ଯେଉଁ ମାନଙ୍କର ଲକ୍ଷଣ ଦେଖାଯାଉଛି ସେମାନଙ୍କୁ ତୁରନ୍ତ ସଂଗରୋଧରେ ରଖିବାକୁ ନିର୍ଦ୍ଦେଶ ଦିଆଯାଇଛି ବୋଲି ଜନସ୍ୱାସ୍ଥ୍ୟ ନିର୍ଦ୍ଦେଶକ ନିରଞ୍ଜନ ମିଶ୍ର କହିଛନ୍ତି।
