ଭୁବନେଶ୍ବର: ଲଘୁଚାପ ପ୍ରଭାବରେ ରାଜ୍ୟରେ ଗତ ୩ରୁ ୪ ଦିନ ଧରି ଲଗାଣ ବର୍ଷା ଲାଗି ରହିଛି । ହୀରାକୁଦ ଜଳଭଣ୍ଡାରର ଜଳସ୍ତର ବଢିବା ପରେ ମହାନଦୀରେ ମଧ୍ୟ ବନ୍ୟା ଜଳ ଆସିଛି । ଏହି ସମସ୍ତ ସ୍ଥିତିକୁ ଦୃଷ୍ଟିରେ ରଖି ବଡ ଧରଣର ବନ୍ୟା ହେବାର ଆଶଙ୍କା ନାହିଁ ବୋଲି କହିଛନ୍ତି ମୁଖ୍ୟ ଶାସନ ସଚିବ ସୁରେଶ ମହାପାତ୍ର ।
ଏ ନେଇ ମୁଖ୍ୟ ଶାସନ ସଚିବ କହିଛନ୍ତି ଯେ, "ହୀରାକୁଦ ଜଳ ସ୍ତର ଉପରେ ନଜର ରଖାଯାଇଛି । ମଧ୍ୟମ ଧରଣର ବନ୍ୟା ହେବାର ଆଶଙ୍କା ରହିଛି । ୧୦ଲକ୍ଷ ୫୦ହଜାର କ୍ୟୁସେକ ପାଣି ପାସ୍ କରିପାରେ । ତେବେ ବଡ ଧରଣର ବନ୍ୟା ହେବାର ଆଶଙ୍କା ନାହିଁ ।
ତଳିଆ ଅଞ୍ଚଳରେ ବର୍ଷା ପାଣି ପଶିଛି । ସେହି ସବୁ ଅଞ୍ଚଳରେ ଜିଲ୍ଲାପାଳ ମାନଙ୍କୁ ପରିଦର୍ଶନ କରିବାକୁ ନିର୍ଦ୍ଦେଶ ଦିଆଯାଇଛି । ସବୁ ଜିଲ୍ଲାର ଜିଲ୍ଲାପାଳଙ୍କୁ ପାଟ୍ରୋଲିଂ କରିବାକୁ ମଧ୍ୟ ନିର୍ଦ୍ଦେଶ ରହିଛି ।" ସେପଟେ ହୀରାକୁଦରେ ପୂର୍ବରୁ ୩୪ଟି ଗେଟ୍ ଦେଇ ଜଳ ନିଷ୍କାସନ ହେଉଥିବା ବେଳେ ଏବେ ୮ଟି ଗେଟ୍କୁ ବନ୍ଦ କରାଯାଇଛି । ଫଳରେ ୨୪ଟି ଗେଟ୍ ଦେଇ ହେଉଛି ଜଳ ନିଷ୍କାସନ କରାଯାଉଛି ।
ଇଟିଭି ଭାରତ, ଭୁବନେଶ୍ବର
