ଭୁବନେଶ୍ବର: କ୍ରୀଡା ରାଜଧାନୀ ଭାବେ ବିଶ୍ବସ୍ତରରେ ପରିଚିତ କରିବାକୁ ଲକ୍ଷ୍ୟ ରଖାଯାଇଥିବା ବେଳେ ରାଜ୍ୟରେ କୌଣସି ନିର୍ଦ୍ଦିଷ୍ଟ କ୍ରୀଡା ନୀତି ନାହିଁ । ଏହାକୁ ନେଇ ଆଜି ଉଭୟ ଶାସକ ଓ ବିରୋଧୀ ବିଧାନସଭାରେ ଉଦବେଗ ପ୍ରକାଶ କରିଛନ୍ତି ।
କ୍ରୀଡାକୁ ନେଇ ବିଧାନସଭାର ଶୁକ୍ରବାର ପ୍ରଶ୍ନକାଳରେ ବିସ୍ତୃତ ଆଲୋଚନା ଓ ପ୍ରଶ୍ନୋତ୍ତର ଜାରି ରହିଥିଲା । ଯୁବ କ୍ରୀଡାମନ୍ତ୍ରୀଙ୍କୁ କ୍ରୀଡା ନୀତି ପ୍ରଣୟନ କରିବା ଓ ଅନେକ କ୍ରୀଡା ସମସ୍ୟା ପ୍ରଶ୍ନରେ ଘେରି ଥିଲେ ଉଭୟ ଶାସକ ଓ ବିରୋଧୀ ବିଧାୟକ । ଏଭଳି ସ୍ଥିତିରେ କ୍ରୀଡା ଓ ଯୁବସେବା ବ୍ୟାପାର ମନ୍ତ୍ରୀ ତୁଷାରକାନ୍ତି ବେହେରା ଗୃହରେ ସମସ୍ତ ପ୍ରଶ୍ନର ଉତ୍ତର ରଖିଥିଲେ ।
ଭୁବନେଶ୍ବର କ୍ରୀଡା ରାଜଧାନୀରେ ପରିଣତ ଓ ପରିଚିତ କରିବାକୁ ଲକ୍ଷ୍ୟ ରଖାଯାଇଥିବା ବେଳେ ରାଜ୍ୟରେ ନିର୍ଦ୍ଦିଷ୍ଟ କ୍ରୀଡା ନୀତି ନାହିଁ । ଏହାକୁ ନେଇ ଆଜି ଉଭୟ ଶାସକ ଓ ବିରୋଧୀ ବିଧାନସଭାରେ ଉଦବେଗ ପ୍ରକାଶ କରିଛନ୍ତି ।
ପ୍ରଶ୍ନକାଳରେ ବିଜେଡି ବିଧାୟକ ଭୁପିନ୍ଦର ସିଂହଙ୍କ ଏକ ପ୍ରଶ୍ନର ଉତ୍ତରରେ କ୍ରୀଡାମନ୍ତ୍ରୀ ତୁଷାରକାନ୍ତି ବେହେରା କହିଥିଲେ ଯେ, ରାଜ୍ୟର କ୍ରୀଡ଼ା ନୀତି ନାହିଁ । କିନ୍ତୁ ଜାତୀୟ କ୍ରୀଡା ନୀତି 2001 ଆଧାରରେ ବିଭିନ୍ନ କ୍ରୀଡ଼ାର ବିକାଶ ଏବଂ ଜାତୀୟ ଓ ଆନ୍ତର୍ଜାତିକ କ୍ରୀଡ଼ାର ଆୟୋଜନ ପାଇଁ ଅନୁଦାନ ଦିଆଯାଉଛି ।
ସେହିଭଳି କେନ୍ଦ୍ର ସରକାର ମଧ୍ୟ କୌଣସି ରାଜ୍ୟ କ୍ରୀଡା ସଂଘକୁ ରାଜ୍ୟସ୍ତରୀୟ କ୍ରୀଡ଼ାର ଆୟୋଜନ ପାଇଁ ଆର୍ଥିକ ସହାୟତା ଦେଇନାହାନ୍ତି । ରାଜ୍ୟ ସରକାର ଖୁବଶୀଘ୍ର ଏକ ନୀତି ପ୍ରଣୟନ କରିବେ । ଏନେଇ ଚିଠା ପ୍ରସ୍ତୁତ ହେଉଛି ବୋଲି କ୍ରୀଡାମନ୍ତ୍ରୀ କହିଛନ୍ତି ।
ତେବେ ରାଜ୍ୟ ସରକାର 40ଟି ରାଜ୍ୟ କ୍ରୀଡାକୁ ସ୍ବୀକୃତି ଦିଆଯାଇଛି । କ୍ରୀଡା ନୀତି ଭଳି ରାଜ୍ୟରେ କେତେ କ୍ରୀଡ଼ାବିତ ଅଛନ୍ତି ତାର ମଧ୍ୟ କୌଣସି ସର୍ଭେ କ୍ରୀଡା ଓ ଯୁବସେବା ବିଭାଗ ପକ୍ଷରୁ କୌଣସି ସର୍ବେକ୍ଷଣ ହୋଇ ନଥିବା କହିଛନ୍ତି ମନ୍ତ୍ରୀ । ତେବେ ଜାତୀୟ ଓ ଅନ୍ତର୍ଜାତୀୟ ସ୍ତରରେ ଭାଗ ନେଇଥିବା 96 ଜଣ କ୍ରୀଡ଼ାବୀତଙ୍କୁ ଗୃହ ବିଭାଗର ଏକ ସଂକଳନ ଆଧାରରେ ନିଯୁକ୍ତି ଦିଆଯାଇଛି । ଦୁତୀ ଚାନ୍ଦ ଓ ଶ୍ରାବଣୀ ନନ୍ଦଙ୍କୁ ରାଜ୍ୟ ଅର୍ଦ୍ଧସରକାରୀ ସଂସ୍ଥାରେ ନିଯୁକ୍ତି ଦିଆଯାଇଛି ।
ଭୁବନେଶ୍ବରୁ ବ୍ୟୁରୋ ଚିଫ, ଇଟିଭି ଭାରତ
