ଭୁବନେଶ୍ବର: ନୂଆବର୍ଷ ପାଇଁ କଟକ, ଭୁବନେଶ୍ବର ଓ ପୁରୀରେ ବିଳମ୍ବିତ ରାତି ପର୍ଯ୍ୟନ୍ତ ମଦ ଦୋକାନ ଖୋଲା ହେବା ପ୍ରସଙ୍ଗ । ରାଜ୍ୟ ସରକାରଙ୍କ ରାଜସ୍ଵ ଅଭାବ ଥିବାରୁ ଏଭଳି ଭୁଲ ନିଷ୍ପତ୍ତି ନେଉଛନ୍ତି ବୋଲି ବିରୋଧୀ ଅଭିଯୋଗ କରିଛନ୍ତି ।
ନବବର୍ଷ ପାଇଁ ବିଳମ୍ବିତ ରାତି ପର୍ଯ୍ୟନ୍ତ ମଦ ଦୋକାନ ଖୋଲା ହେବା ପ୍ରସଙ୍ଗରେ ପ୍ରତିକ୍ରିୟା ରଖିଲେ କଂଗ୍ରେସ ବିଧାୟକ ସନ୍ତୋଷ ସିଂ ସାଲୁଜା । ଏହା ରାଜ୍ୟ ସରକାରଙ୍କ ଡବଲ ପଲିସି, ଗୋଟିଏ ପଟେ କହୁଛନ୍ତି ,ମଦ ପିଇ ଗାଡି ଚଳାଇଲେ ବେଲ ନାହିଁ ଜେଲ । ଅନ୍ୟ ପଟେ ନୂଆବର୍ଷ ପାଇଁ ମଦ ଦୋକାନ ଖୋଲା ରଖିବାପାଇଁ ନିଷ୍ପତ୍ତି ନେଇଛନ୍ତି । ମଦ୍ୟପାନ ଜନିତ ଦୁର୍ଘଟଣା ହେଲେ ଏଥିପାଇଁ ରାଜ୍ୟ ସରକାର ଦାୟୀ ରହିବେ । ବିଳମ୍ବିତ ରାତି ଯାଏ ବାର ଓ ମଦ ଦୋକାନ ଖୋଲା ରହିଲେ ଲୋକେ ମଦ ନପିଇ କଣ ଗଙ୍ଗା ଜଳ ପିଇବେ ବୋଲି କଟାକ୍ଷ କରିଛନ୍ତି ସାଲୁଜା ।
ରାଜ୍ୟ ସରକାରଙ୍କ ପାଖରେ ରାଜସ୍ଵର ଅଭାବ ଥିବାରୁ ଏଭଳି ଭୁଲ ନିଷ୍ପତ୍ତି ନେଉଛନ୍ତି । ମଦ ପିଇ ଗାଡି ଚଳାଉଥିବା ଲୋକଙ୍କୁ ଗିରଫ କରିବା ପରିବର୍ତ୍ତେ ଯେଉଁ ଅଫିସର ମାନେ ଏଭଳି ନିଷ୍ପତ୍ତି ନେଇଛନ୍ତି ସେମାନଙ୍କୁ ଗିରଫ କରାଯାଉ ବୋଲି କଂଗ୍ରେସ ବିଧାୟକ କହିଛନ୍ତି ।
ଭୁବନେଶ୍ବରରୁ ତପନ ଦାସ, ଇଟିଭି ଭାରତ
