ଭୁବନେଶ୍ବର: ରାଜଧାନୀକୁ ଧିରେ ଧିରେ ଗ୍ରାସିବାରେ ଲାଗିଛି କୋରୋନା ସଂକ୍ରମଣ । ଏମିତିରେ ବଢୁଥିବା ସଂକ୍ରମଣ ଗୋଷ୍ଠୀ ସଂକ୍ରମଣକୁ ଅଗ୍ରସର ହେଉଥିବା ନେଇ ସନ୍ଦେହ ପ୍ରକାଶ ପାଇଛି । ଅନେକ ମାମଲା ହୋମ କ୍ବାରେଣ୍ଟାଇନ ଓ କ୍ବାରେଣ୍ଟାଇନ କେନ୍ଦ୍ରରୁ ଚିହ୍ନଟ ହୋଇଥିବା ବେଳେ ସ୍ଥାନୀୟ ସଂକ୍ରମଣ ସଂଖ୍ୟା ମଧ୍ୟ ସମୟ ସହ ବଢୁଥିବାର ଦେଖାଯାଉଛି । ସେପଟେ ଶନିବାର ରାଜଧାନୀରେ 87ଟି ନୂଆ ମାମଲା ସାମ୍ନାକୁ ଆସିଛି ।
ଚିହ୍ନଟ ମାମଲାରୁ 41 ଜଣ ହୋମ କ୍ବାରେଣ୍ଟାଇନରୁ ଚିହ୍ନଟ ହୋଇଥିବା ବେଳେ 46ଟି ସ୍ଥାନୀୟ ସଂକ୍ରମଣ ମାମଲା ସାମ୍ନାକୁ ଆସିଛି । ଧିରେ ଧିରେ ରାଜଧାନୀରେ କ୍ବାରେଣ୍ଟାଇନ କେନ୍ଦ୍ର ଅପେକ୍ଷା ସ୍ଥାନୀୟ ସଂକ୍ରମଣର ମାତ୍ରା ବଢୁଥିବା ଦେଖାଯାଉଛି । ଯାହା ବସ୍ତି ଅଞ୍ଚଳମାନଙ୍କରେ ବିପଦ ଘନାଉଥିବା ନେଇ ଆଶଙ୍କା ସୃଷ୍ଟି କରିଛି । ସେପଟେ ସ୍ଥାନୀୟ ସଂକ୍ରମଣରୁ ଚିହ୍ନଟ ମାମଲା ମଧ୍ୟରେ ଜାଗମରା, ୟୁନିଟ 3, ଘରୋଇ ହସ୍ପିଟାଲର କର୍ମଚାରୀ, ଝାରପଡା, ୟୁନିଟ 1, ଲକ୍ଷ୍ମୀସାଗର, କଳିଙ୍ଗ ବିହାର, ରସୁଲଗଡ, ଗୌତମନଗର, ବରମୁଣ୍ଡା ଓ କାନନ ବିହାରରୁ ଜଣେ ଲେଖାଏଁଙ୍କ ସମେତ ଶୈଳେଶ୍ବରୀ ବିହାରରୁ 2ଜଣ ରହିଥିବା ଜଣାପଡିଛି ।
ଏଥିସହ ନୟାପଲ୍ଲୀ, ଗଙ୍ଗନଗର, ଟଙ୍କପାଣି ରୋଡ, ନୟାପଲ୍ଲୀର ଗାନ୍ଧୀ ବସ୍ତି, ଜୟଦେବ ବିହାର, ଖଣ୍ଡଗିରି. ପାଣ୍ଡରା ଛକ, ଆଚାର୍ଯ୍ୟ ବିହାରରୁ 2 ଜଣ, କଳିଙ୍ଗ ନଗର କେ 7 ଅଞ୍ଚଳ, ପାତ୍ରପଡା, କଳିଙ୍ଗ ନଗର କେ 4, ଚନ୍ଦ୍ରଶେଖରପୁର, ୟୁନିଟ 4, ପଟିଆ, ଗଙ୍ଗନଗର ବସ୍ତି, ୟୁନିଟ 6 ଶବର ସାହି ବସ୍ତି, ନୟାପଲ୍ଲୀ ତ୍ରିନାଥନଗର ବସ୍ତିରୁ 4 ଜଣ ପଜିଟିଭ ଚିହ୍ନଟ ହୋଇଛନ୍ତି ।
ସେହିପରି ଭାବରେ ହୋମ କ୍ଵରେଣ୍ଟାଇନରୁ ଚିହ୍ନଟ ହୋଇଥିବା 41 ଜଣ ସଂକ୍ରମିତଙ୍କ ମଧ୍ୟରୁ ଡମଣାରୁ 3 ଜଣ, ମୈତ୍ରୀ ବିହାରରୁ 2 ଜଣ, ବିଜେବି ନଗରରୁ 3 ଜଣ, ନୟାପଲ୍ଲୀ ବ୍ରିଟି କଲୋନୀରୁ 3 ଜଣ ଓ 6 ଜଣ କାନନ ବିହାର ଫେଜ 1ରୁ ରହିଥିବା ଜଣାପଡିଛି । ସେହିପରି ଗତ 24 ଘଣ୍ଟା ମଧ୍ୟରେ ଭୁବନେଶ୍ବରରେ 37 ଜଣ ସୁସ୍ଥ ହୋଇଥିବା ମଧ୍ୟ ଜଣାପଡିଛି । ଭୁବନେଶ୍ବରରେ 1130 ଜଣ ମୋଟ ଆକ୍ରାନ୍ତ ରହିଥିବା ବେଳେ 494 ସୁସ୍ଥ ହୋଇଛନ୍ତି । ଏଥିସହ 11 ଜଣଙ୍କ ମୃତ୍ୟୁ ହୋଇଥିବା ବେଳେ 624ଟି ମାମଲା ଏବେ ସକ୍ରିୟ ରହିଥିବା ଜଣା ପଡିଛି ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
