ଲାଞ୍ଚ କାରବାର ମାମଲା: ଗିରଫ ହେଲେ ଚର୍ଚ୍ଚିତ ମିଶ୍ର

୨୫ ଲକ୍ଷ ଲାଞ୍ଚ କାରବାର ମାମଲା । ଗିରଫ ହେଲେ ଶିଳ୍ପପତି ମହିମା ମିଶ୍ରଙ୍କ ସାନପୁଅ ଚର୍ଚ୍ଚିତ ମିଶ୍ର । ଅଧିକ ପଢନ୍ତୁ

ଭୁବନେଶ୍ବର: ଗିରଫ ହେଲେ ଶିଳ୍ପପତି ମହିମା ମିଶ୍ର(Industrialist Mahima Mishra)ଙ୍କ ସାନପୁଅ ଚର୍ଚ୍ଚିତ ମିଶ୍ର । ଲାଞ୍ଚ କାରବାର ମାମଲାରେ ଅଭିଯୁକ୍ତ ତାଲିକାରେ ଥିବା ଚର୍ଚ୍ଚିତ ଆଜି ଗିରଫ ହୋଇଛନ୍ତି । ଏହାପୂର୍ବରୁ ସେ ଆଜି ଭୋର୍ ସମୟରେ ସିବିଆଇ(CBI) ଅଫିସରେ ଆତ୍ମସମର୍ପଣ କରିଥିଲେ । ଚର୍ଚ୍ଚିତ ମିଶ୍ରଙ୍କ ଗିରଫଦାରୀ ପରେ ଲାଞ୍ଚ କାରବାର ମାମଲାରେ ମୋଟ ଗିରଫ ସଂଖ୍ୟା ୫କୁ ବୃଦ୍ଧି ପାଇଛି । ସେପଟେ ଶୁକ୍ରବାର ରାତି ତମାମ୍ ମହିମା ମିଶ୍ର ଓ ତାଙ୍କ ବଡପୁଅ ଚନ୍ଦନ ମିଶ୍ରଙ୍କୁ ଜେରା କରିଛି ସିବିଆଇ । ଫଳରେ ଏହି ବାପପୁଅଙ୍କୁ ସାରା ରାତି ଭୁବନେଶ୍ବର ସ୍ଥିତ ସିବିଆଇ ଅଫିସରେ କାଟିବାକୁ ପଡିଛି । ଏପରିକି ଏଠାରେ ରହିବା ପାଇଁ ସେମାନଙ୍କ ଲାଗି ରାତିରେ ଗଦି ତକିଆ ଆସିଥିବା ଜଣାପଡିଛି ।

କୋଲପ୍ଲଟ ୨୫ ଲକ୍ଷ ଲାଞ୍ଚ କାରବାର ମାମଲାରେ ସିବିଆଇ ଏହି ଶିଳ୍ପପତି ଏବଂ ତାଙ୍କୁ ପୁଅଙ୍କୁ ପଚରାଉଚରା କରୁଛି । ସିବିଆଇ ଜେରାକୁ ନେଇ ମହିମା ମିଶ୍ରଙ୍କ ଓକିଲ ଜୟଦୀପ ପାଲ କହିଛନ୍ତି, ''ମହିମା ମିଶ୍ର ସିବିଆଇକୁ ସମ୍ପୂର୍ଣ୍ଣ ରୂପେ ସହଯୋଗ କରିବେ । CBI ଯେତେବେଳେ ଡାକିବ ସେତେବେଳେ ସେ ହାଜର ହେବେ ।'' କହିରଖୁଛୁ କି, କୋଲପ୍ଲଟ ଲାଞ୍ଚ କାରବାର ମାମଲାରେ ସିବିଆଇ ଗତକାଲି(ଶୁକ୍ରବାର) ୪ ଜଣଙ୍କୁ ଗିରଫ କରି ରିମାଣ୍ଡରେ ନେଇଥିଲା । ଏହାସହିତ ଏହି ମାମଲାରେ ୮୩ ଲକ୍ଷ ୫୦ ହଜାର ଟଙ୍କା ଜବତ କରିଛି ।

ଇଟିଭି ଭାରତ, ଭୁବନେଶ୍ବର