ଭୁବନେଶ୍ବର: OCAରେ ନବନିଯୁକ୍ତ କୋଚ ୱାସିମ୍ ଜାଫରଙ୍କୁ ତୁରନ୍ତ ହଟାଇବା ପାଇଁ ଦାବୀ କଲା ହିନ୍ଦୁ ଜାଗରଣ ମଞ୍ଚ । ଏ ନେଇ ଆଜି ରାଜଧାନୀର ମାଷ୍ଟର କ୍ୟାଣ୍ଟିନ ଛକରେ ବିରୋଧ ପ୍ରଦର୍ଶନ କରିଛି ହିନ୍ଦୁ ଜାଗରଣ ମଞ୍ଚ ।
ଓଡିଶା କ୍ରିକେଟ ଆସୋସିଏସନରେ ନୂତନ ଭାବେ ନିଯୁକ୍ତ ପାଇଥିବା ପୂର୍ବତନ ଭାରତୀୟ କ୍ରିକେଟର କୋଚ ୱାସିମ୍ ଜାଫର୍ ଙ୍କୁ ତୁରନ୍ତ ହଟାଇବା ପାଇଁ ହିନ୍ଦୁ ଜାଗରଣ ମଞ୍ଚର ସଦସ୍ୟ ମାନେ ଦାବି କରିଛନ୍ତି। ୱାସିମ୍ ଜାଫର୍ ଜଣେ ବିବାଦୀୟ ବ୍ୟକ୍ତି। ସେ ସବୁବେଳେ ଗୋଟିଏ ସମ୍ପ୍ରଦାୟକୁ ପ୍ରାଧାନ୍ୟ ଦିଅନ୍ତି । ଉତ୍ତରାଖଣ୍ଡରେ କୋଚ ଥିବା ବେଳେ ସେ ଏପରି କରୁଥିଲେ। ଏବେ OCA ରେ ଆମେ ତାହା କରିବାକୁ ଦେବୁ ନାହିଁ ବୋଲି କହିଛି ହିନ୍ଦୁ ଜାଗରଣ ମଞ୍ଚ ।
ଯଦି କୋଚ ପଦରୁ ଇସ୍ତଫା ନ ଦେବେ ଆମେ ଆଗାମୀ ଦିନରେ ଆମେ ଓଡିଶା କ୍ରିକେଟ ଆସୋସିଏସନ ଏବଂ ରାଜ୍ୟପାଳଙ୍କୁ ଭେଟି ଦାବି ପତ୍ର ଦେବୁ। ଓଡିଶା ଭଳି ରାଜ୍ୟରେ ଏହାକୁ ପ୍ରଶ୍ରୟ ଦେଇପାରିବୁ ନାହିଁ ବୋଲି କହିଛି ହିନ୍ଦୁ ଜାଗରଣ ମଞ୍ଚ।
ଭୁବନେଶ୍ବରରୁ ମନୋରଞ୍ଜନ ଶଂଙ୍ଖୁଆ,ଇଟିଭି ଭାରତ
