ଭୁବନେଶ୍ବର: କନ୍ୟା ମାନେ ପରିବାର ତଥା ସମାଜର ପ୍ରଗତିର ମୁଖ୍ୟ ଅଙ୍ଗ। ଆଜିର ଦୁନିଆରେ ସେମାନଙ୍କ ପ୍ରତି ଅତ୍ୟାଚାର ଓ ନିର୍ଯାତନା ବୃଦ୍ଧି ପାଉଥିବା ବେଳେ କେତେକ ସାମାଜିକ ଅନୁଷ୍ଠାନ ପକ୍ଷରୁ ମକର ସଂକ୍ରାନ୍ତିର ଏହି ପବିତ୍ର ଅବସରରେ ସେମାନଙ୍କୁ ପୂଜା କରାଯାଇଛି।
ରାଜଧାନୀର ସ୍ଥାନୀୟ ୟୁନିଟ 6 ବାଳିକା ବିଦ୍ୟାଳୟର ହଷ୍ଟେଲରେ ରହି ପଢ଼ୁଥିବା ପିଲାମାନଙ୍କୁ ଭାରତୀୟ ସଂସ୍କୃତିର ରୀତିନୀତି ଅନୁସାରେ ନୂଆ ବସ୍ତ୍ର ପ୍ରଦାନ କରିବା ସହିତ ପୁଷ୍ପ, ଚନ୍ଦନ ଓ ଧୂପ ଦୀପ ଦିଆଯାଇ ବନ୍ଦାପନା କରାଯିବ ସହିତ ପୂଜାର୍ଚ୍ଚନା କରାଯାଇଛି। ଏପରି ଅନେକ ଝିଅମାନେ ଆମ ସମାଜରେ ଅବହେଳିତ ଭାବରେ ରହୁଥିବା ବେଳେ ଏହାରି ମାଧ୍ୟମରେ ଯୋଡି ହୋଇ ସେମାନଙ୍କୁ ସଶକ୍ତ କରାଇବା ପାଇଁ ପ୍ରଚେଷ୍ଟା ବୋଲି କହିଛନ୍ତି ସମାଜସେବୀ ସୁଚିତ୍ର ଗୁପ୍ତା।
ସେହିପରି ଭାରତୀୟ ସଂସ୍କୃତି ଧୀରେ ଧୀରେ ଅବକ୍ଷୟ ହେବାକୁ ଯାଉଥିବା ବେଳେ ଏହା ମାଧ୍ୟମରେ ପିଲାମାନଙ୍କ ମଧ୍ୟରେ ସେହି ଭାବଜାଗ୍ରତ କରାଇବା ଓ ଝିଅ ମାନଙ୍କ ମହତ୍ବ ଦୁନିଆ ଆଗରେ ପ୍ରକାଶ କରିବା ଏହାର ଆଭିମୁଖ୍ୟ ବୋଲି ଭୁବନେଶ୍ବର ଶିକ୍ଷା ମଣ୍ଡଳ ଅଧିକାରୀ ସସ୍ମିତା ମାଲି ପ୍ରକାଶ କରିଛନ୍ତି।
ରାଜ୍ୟ ଜବାହାର ବାଳ ମିଶନ ଓ ଭୁବନେଶ୍ବର ଶିକ୍ଷା ମଣ୍ଡଳ ପକ୍ଷରୁ ଏହି ଉତ୍ସବରେ 50 ଜଣ ଛାତ୍ରୀଙ୍କୁ ପୂଜା କରାଯାଇଥିବା ସ୍ବପନେନ୍ଦୁ ସାମନ୍ତରାୟ ପ୍ରକାଶ କରିଛନ୍ତି ।
ଭୁବନେଶ୍ବରରୁ ଲକ୍ଷ୍ମୀକାନ୍ତ ଦାସ, ଇଟିଭି ଭାରତ
