ଭୁବନେଶ୍ବର: ରାଜଧାନୀ ଭୁବନେଶ୍ବର ରେଳ ଷ୍ଟେସନରେ ଗଞ୍ଜେଇ ଜବତ । ୪ ଲକ୍ଷ ଟଙ୍କାର ଗଞ୍ଜେଇ ଜବତ କଲା ଆରପିଏଫ ଭୁବନେଶ୍ୱର ଓ ଆରପିଏଫ କ୍ରାଇମବ୍ରାଞ୍ଚ ଖୋର୍ଦ୍ଧାରୋଡ଼ ମିଳିତ ଟିମ । ଭୁବନେଶ୍ବରରୁ ନୂଆଦିଲ୍ଲୀ ଚାଲାଣ ବେଳେ ରେଳଷ୍ଟେସନରୁ ଜବତ ହେଲା ବିପୁଳ ପରିମାଣର ଗଞ୍ଜେଇ ।
ରାଜଧାନୀ ଏକ୍ସପ୍ରେସରେ ଯିବା ପାଇଁ ଯୋଜନାବେଳେ ଟ୍ରାଭେଲ ବ୍ୟାଗରେ ଟୁରିଷ୍ଟ ବେଶରେ ଗଞ୍ଜେଇ ଚାଲାଣର ସୁରାକ ପାଇଥିଲା ଟିମ । ଏନେଇ ସୂଚନା ପାଇ ବ୍ୟାଗେଜ ସ୍କାନରର ଚେକିଂକୁ ଜୋରଦାର କରି ନଜର ରଖିଥିଲା ଟିମ । ଷ୍ଟେସନକୁ ଏଣ୍ଟ୍ରି ବେଳେ ୩ ଜଣଙ୍କୁ ଗିରଫ କରିଛି ଆରପିଏଫ ଟିମ । ଦୁଇଜଣ ମହିଳା ସହ ଜଣେ ଯୁବକକୁ ଗିରଫ କରିବା ସହ ସେମାନଙ୍କ ଠାରୁ ୪୧ କେଜି ଗଞ୍ଜେଇ ଜବତ କରାଯାଇଛି । ଗିରଫ ଅଭିଯୁକ୍ତମାନେ ହେଲେ ସଞ୍ଜୟ ବେନ, ବାସନ୍ତି ଦାସ, ଉନ୍ନତି ମଣ୍ଡଳ, ଯିଏକି ପଶ୍ଚିମବଙ୍ଗର ମାଲଦା ଅଞ୍ଚଳର ବୋଲି ଜଣାପଡିଛି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
