ଭୁବନେଶ୍ବର: ପଦାରେ ପଡିଲା କଂଗ୍ରେସର ଅନ୍ତର୍ଦ୍ବନ୍ଦ। ରାଜ୍ୟ କଂଗ୍ରେସ କାର୍ଯ୍ୟାଳୟ ସମ୍ମୁଖରେ ଧାରଣାରେ ପୂର୍ବତନ ଛାତ୍ର ନେତା । ‘ନିରଞ୍ଜନ ହଟାଅ’ ନେଇ ଜୋର ଧରିଲା ବିରୋଧି ମେଳି। ପୂର୍ବତନ ଛାତ୍ର କଂଗ୍ରେସ ସଭାପତି ଇତିଶ ପ୍ରଧାନଙ୍କ ନିଲମ୍ବନ ପ୍ରତ୍ୟାହାର ନେଇ ଶହ ଶହ ଇତିଶ ସମର୍ଥକ ଧାରଣା ଦେଇଛନ୍ତି। ପିସିସି ସଭାପତି ପରିବର୍ତ୍ତନ ନେଇ ଜୋର ଧରିଲା ରାଜନୀତି।
ଧାରଣାରେ ଇତିଶ, ନିରଞ୍ଜନ ନିଲମ୍ବନ ଉଠିବା ନେଇ ଦାବି
ମୋ ବିରୋଧରେ ଷଡ଼ଯନ୍ତ୍ର ହୋଇଛି। ଅଗଣତାନ୍ତ୍ରିକ ପଦ୍ଧତିରେ ମୋତେ ନିଲମ୍ବନ କରାଯାଇଛି । ଦଳ ପାଇଁ ଅନେକ ବାର ଜେଲ ମଧ୍ୟ ଯାଇଛି । କଂଗ୍ରେସ ଭବନରେ ଥିବା ଛାତ୍ର କଂଗ୍ରେସ କୋଠରୀକୁ ଦୁଇ ଦିନ ହେବ ଜୋର ଜବରଦସ୍ତ ବନ୍ଦ କରିଥିବା ଅଭିଯୋଗ ଆଣିଛନ୍ତି ଇତିଶ ପ୍ରଧାନ । ଯଦି କେବେ ପିସିସି ସଭାପତି ନିଲମ୍ବିତ ହୁଅନ୍ତି, କ’ଣ କଂଗ୍ରେସ ଭବନରେ ତାଲା ଝୁଲିବ ବୋଲି ପ୍ରଶ୍ନ କରିଛନ୍ତି ଏହି ପୂର୍ବତନ ଛାତ୍ର ନେତା ଜଣଙ୍କ।
ଭୁବନେଶ୍ବରରୁ ସଞ୍ଜିବ ରାୟ, ଇଟିଭି ଭାରତ
