ଭୁବନେଶ୍ବର: ପବିତ୍ର ଜାଗରରେ ଅଘଟଣ । ଜାଗର ଦୀପ ପାଇଁ ହଷ୍ଟେଲରେ ଲାଗିଲା ନିଆଁ । ଏଭଳି ଅଘଟଣ ଘଟିଛି ସିଆରପି ଛକରେ ଥିବା ଏକ ଘରୋଇ ଛାତ୍ରୀ ହଷ୍ଟେଲରେ । ଅଘଟଣରୁ ଅଳ୍ପକେ ବର୍ତ୍ତିଯାଇଛନ୍ତି 15 ଜଣ ଛାତ୍ରୀ ।
ଜାଗରରେ ଅଘଟଣ: ଦୀପ ପାଇଁ ହଷ୍ଟେଲରେ ଲାଗିଲା ନିଆଁ
ମହାଶିବରାତ୍ରୀ ପାଇଁ କିଛି ଛାତ୍ରୀ ହଷ୍ଟେଲରେ ଦୀପ ଜାଳିଥିଲେ । ମାତ୍ର କୌଣସି କାରଣରୁ ଦୀପରୁ ନିଆଁ ଲାଗି ହଷ୍ଟେଲର ତୃତୀୟ ମହଲାରେ ବ୍ୟାପି ଯାଇଥିଲା । ଦୁର୍ଘଟଣାରେ 2 ଜଣ ଛାତ୍ରୀ ସାମାନ୍ୟ ଆହତ ହୋଇଥିବାବେଳେ ସେମାନଙ୍କ ସାର୍ଟିଫିକେଟ୍ ଓ ଆସବାବପତ୍ର ଆଦି ପୋଡି ନଷ୍ଟ ହୋଇଛି ।
ହଷ୍ଟେଲରେ ଅଗ୍ନିକାଣ୍ଡ ଦେଖି ସ୍ଥାନୀୟ ଲୋକେ ଅଗ୍ନିଶମ ବିଭାଗକୁ ଖବର ଦେଇଥିଲେ । ଠିକ୍ ସମୟରେ ଅଗ୍ନିଶମ ଗାଡି ପହଞ୍ଚି ନିଆଁକୁ ଆୟତ କରିଥିଲା ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
