ଭୁବନେଶ୍ବର: ବଂଶୀବାଦକ ସଞ୍ଜୟଙ୍କ ଉପରେ ପଡିଲା 'ଇଟିଭି ଭାରତ'ର ପ୍ରଭାବ । ତାଙ୍କ ନିଶାକୁ ନେଇ ସୋମବାର ଖବର ପ୍ରସାର ପରେ 'କ୍ରୁଟ' ନାମକ ସଂସ୍ଥା ତାଙ୍କୁ ସମ୍ବର୍ଦ୍ଧିତ କରିବାକୁ ଇଚ୍ଛା ପ୍ରକାଶ କରିଛନ୍ତି ।
ସଞ୍ଜୟଙ୍କ ପେଶା ଠାରୁ ଭିନ୍ନ ନିଶା ଦେଖି କ୍ରୁଟର ଜିଏମ୍ ଖୁସି ବ୍ୟକ୍ତ କରିଛନ୍ତି । ଏହା ସହ ଯଦି ସେ କୌଣସି ଆଗ ଧାଡିର ମଞ୍ଚକୁ ଯିବେ ତେବେ କ୍ରୁଟ ତାଙ୍କୁ ପ୍ରଯୋଜନା କରିବ ବୋଲି ଜିଏମ ଦୀପ୍ତି ମହାପାତ୍ର କହିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ସୂଚନାଯୋଗ୍ୟ, ରାଜଧାନୀ ଭୁବନେଶ୍ବରର ମୋ ବସର ଜଣେ ଦକ୍ଷ ଡ୍ରାଇଭର ସଞ୍ଜୟ କୁମାର ନାୟକ । ଗରିବ ପରିବାର ଜନ୍ମିତ ସଞ୍ଜୟଙ୍କ ଜୀବନ ଅଭାବ ଅନଟନ ଦେଇ ଗତି କରୁଥିବାବେଳେ ପିଲାଦିନରୁ ବଂଶୀ ବଜାଇବାର ନିଶାକୁ ସେ କେବେ ନିଜ ଠାରୁ ଅଲଗା ହେବାକୁ ଦେଇନଥିଲେ । ଗୁରୁ ନଥିବା ଏହି ଏକଲବ୍ୟଙ୍କ ପ୍ରତିଭା ସମ୍ପର୍କରେ ଇଟିଭି ଭାରତରେ ଖବର ପ୍ରସାରଣ ପରେ କ୍ରୁଟ ନାମକ ଏକ ସଂସ୍ଥା ତାଙ୍କୁ ସମ୍ବର୍ଦ୍ଧିତ ପାଇଁ ଆଗ୍ରହ ପ୍ରକାଶ କରିଛନ୍ତି ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
