ଭୁବନେଶ୍ବର: କଟକ ପରେ ରାଜଧାନୀରେ ନକଲି ତେଲ କାରଖାନା ଠାବ । ଲକ୍ଷ୍ମୀସାଗର ହାଉସିଂ ବୋର୍ଡ କଲୋନୀରେ ବେଆଇନ ଭାବେ ଚାଲିଥିବା ନକଲି ତେଲ କାରଖାନାକୁ ଠାବ କରିଛି କମିଶନରେଟ୍ ପୋଲିସ । ଏହି କାର୍ଯ୍ୟରେ ସମ୍ପୃକ୍ତ ଥିବା 4ଜଣଙ୍କୁ ଅଟକ ରଖିବା ସହ ବିପୁଳ ପରିମାଣରେ ନକଲି ତେଲ ମଧ୍ୟ ଜବତ କରିଛି ପୋଲିସ ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ଲକ୍ଷ୍ମୀସାଗର ଅଞ୍ଚଳରେ ନକଲି ତେଲ କାରଖାନା ଚାଲୁଥିବା ଖବର ପାଇଥିଲା ପୋଲିସ । ଏହାପରେ କମିଶନରେଟ୍ ପୋଲିସର ସ୍ପେଶାଲ ସ୍କ୍ବାର୍ଡ ଓ ଲକ୍ଷ୍ମୀସାଗର ପୋଲିସ ମିଳିତ ଭାବେ ଚଢାଉ କରିଥିଲେ । ଏମାନେ ଅସଲି ଡବାରେ ନକଲି ତେଲ, ଗୁଆ ଘିଅ, ରାଶି ତେଲ ଭର୍ତ୍ତି କରି ବଜାରକୁ ଛାଡୁଥିଲେ । ତେବେ ଏହି ଅଭିଯୁକ୍ତ ମାନେ ବିନା ଟ୍ରେଡ ଲାଇସେନ୍ସ ଓ ଏଫଏସଏସଆଇର ଲାଇସେନ୍ସରେ ଏଭଳି ନକଲି ସାମଗ୍ରୀ ପ୍ରସ୍ତୁତ କରିଥିବା ପୋଲିସ ଜାଣିବାକୁ ପାଇଛି । ଅଧିକ ତଦନ୍ତ ଜାରି ରଖିଛି ପୋଲିସ ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
