ଭୁବନେଶ୍ବର : ରାଜ୍ୟରେ କୋରୋନାର ସଂକ୍ରମିତଙ୍କ ସଂଖ୍ୟା କ୍ରମାଗତ ଭାବରେ ବଢ଼ିବାରେ ଲାଗଛି। କିଛି ମାସ ହେଲା ରାଜ୍ୟରେ ସଂକ୍ରମଣ କମିଥିବା ସମୟରେ ବର୍ତ୍ତମାନ ଅଚାନକ ଭାବରେ ବଢ଼ିବାରେ ଲାଗିଛି। ଯାହା ରାଜ୍ୟବାସୀଙ୍କ ମନରେ ଭୟ ସୃଷ୍ଟି କରିଛି । ପୂର୍ବ 7 ଦିନର ତଥ୍ୟ ଦେଖିଲେ ଜଣା ପଡିବ କେତେ ମାତ୍ରାରେ ବଢିଛି ଏହି ସଂକ୍ରମଣ।
*ଡିସେମ୍ବର 27 ତାରିଖରେ 55 ହଜାର 84 ଲୋକଙ୍କ କୋରୋନା ପରୀକ୍ଷା କରାଯାଇଥିଲା । ସେଥିମଧ୍ୟରୁ ଆକ୍ରାନ୍ତ ଚିହ୍ନଟ ହୋଇଥିଲେ 123। ଯାହାର ସଂକ୍ରମଣର ହାର ଥିଲା 0.22 ପ୍ରତିଶତ।
ଉପର ମୁହାଁ କୋରୋନା ଗ୍ରାଫ: ଗହଳି ସ୍ଥାନ ଠୁ ଦୂରେଇ ରହିବାକୁ ପରାମର୍ଶ *ସେହିଭଳି ଭାବରେ ଡିସେମ୍ବର 28 ତାରିଖରେ 51ହଜାର 842 ଜଣଙ୍କର କୋରୋନା ପରୀକ୍ଷା କରାଯାଇଥିଲା । ସେଥିମଧ୍ୟରୁ 156 ଆକ୍ରାନ୍ତ ଚିହ୍ନଟ ହୋଇଥିଲେ। ଯାହାର ସଂକ୍ରମଣ ହାର 0.30 ପ୍ରତିଶତ। *ଡିସେମ୍ବର 29 ତାରିଖରେ 63 ହଜାର 290 ଜଣଙ୍କର କୋରୋନାର ପରୀକ୍ଷା ହୋଇଥିଲା । ସେଥିମଧ୍ୟରୁ ଆକ୍ରାନ୍ତ ଚିହ୍ନଟ ହୋଇଥିଲେ 221। ଯାହାର ସଂକ୍ରମଣ ହାର ଥିଲା 0.34 ପ୍ରତିଶତ। * ଡିସେମ୍ବର 30 ତାରିଖରେ 62ହଜାର 192 ଜଣଙ୍କର କୋରୋନା ପରୀକ୍ଷା ହୋଇଥିଲା । ସେଥିମଧ୍ୟରୁ ଆକ୍ରାନ୍ତ ଚିହ୍ନଟ ହୋଇଥିଲେ 225 ଜଣ। ଯାହାର ସଂକ୍ରମଣ ହାର ଥିଲା 0.36 ପ୍ରତିଶତ। * ଡିସେମ୍ବର 31 ତାରିଖରେ 61 ହଜାର 277 ଜଣଙ୍କର କୋରୋନା ପରୀକ୍ଷା ହୋଇଥିଲା । ସେଥିମଧ୍ୟରୁ ଆକ୍ରାନ୍ତ ଚିହ୍ନଟ ହୋଇଥିଲେ 228। ଯାହାର ସଂକ୍ରମଣ ହାର ଥିଲା 0.37 ପ୍ରତିଶତ। * ଜାନୁଆରୀ 1 ତାରିଖରେ 62 ହଜାର 214 ଜଣଙ୍କର କୋରୋନା ପରୀକ୍ଷା ହୋଇଥିଲା । ସେଥିମଧ୍ୟରୁ 298 ଆକ୍ରାନ୍ତ ଚିହ୍ନଟ ହୋଇଥିଲେ। ଯାହାର ସଂକ୍ରମଣ ହାର ଥିଲା 0.47 ପ୍ରତିଶତ। * ଜାନୁଆରୀ 2 ତାରିଖରେ 61 ହଜାର 451 ଜଣଙ୍କର କୋରୋନା ପରୀକ୍ଷା ହୋଇଥିଲା । ସେଥିମଧ୍ୟରୁ 424 ଆକ୍ରାନ୍ତ ଚିହ୍ନଟ ହୋଇଥିଲା । ଯାହାର ସଂକ୍ରମଣ ହାର 0.68 ପ୍ରତିଶତ ରହିଛି। ଏନେଇ ରାଜ୍ୟ ସ୍ୱାସ୍ଥ୍ୟ ନିର୍ଦ୍ଦେଶକ ବିଜୟ ମହାପାତ୍ର କହିଛନ୍ତି ଯେ ରାଜ୍ୟରେ ବର୍ତ୍ତମାନ ସଂକ୍ରମଣ ବଢୁଛି । ଯଦି 5 ଦିନର ତଥ୍ୟ ନେବା ତେବେ କୋଭିଡ ସଂକ୍ରମଣ ବଢୁଛି। ଭାରତ ସ୍ୱାସ୍ଥ୍ୟ ବିଭାଗର ଗାଇଡ଼ ଲାଇନ ଅନୁସାରେ ରାଜ୍ୟରେ 10 ପ୍ରତିଶତ ପଜିଟିଭିଟି ହୋଇନାହିଁ । ରାଜ୍ୟରେ ହସ୍ପିଟାଲ ବେଡ଼ ଲୋକ ରହିବା ସଂଖ୍ୟା ପ୍ରତିଶତ କମ ରହିଛି ।
40 ପ୍ରତିଶତ ଅକ୍ସିଜେନ ବେଡ଼ ପ୍ରସ୍ତୁତ କରି ରଖାଯାଇଛି । ସ୍ୱାସ୍ଥ୍ୟ ବିଭାଗ ତାହାର କାର୍ଯ୍ୟ କରୁଛି। କମ୍ୟୁନିଟିକୁ ସ୍ୱାସ୍ଥ୍ୟ ବିଭାଗ ଅନୁରୋଧ କରିଛି ଯେ ଯିଏ ଯେଉଁ କାମ କରୁଛନ୍ତି କରନ୍ତୁ । କିନ୍ତୁ କୋଭିଡର ନିୟମ ଗାଇଡଲାଇନ ମାନନ୍ତୁ। ମାକ୍ସ ପିନ୍ଧନ୍ତୁ, ହାତ ଧୁଆନ୍ତୁ ଏବଂ ଭିଡ଼ ଜମାନ୍ତୁ ନାହିଁ। ସଂକ୍ରମଣ ବ୍ୟାପିବାକୁ ସୁଯୋଗ ଦେବା ନାହିଁ ବୋଲି କହିଛନ୍ତି ସ୍ୱାସ୍ଥ୍ୟ ନିର୍ଦ୍ଦେଶକ ବିଜୟ ମହାପାତ୍ର।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
