ଭୁବନେଶ୍ବର: ସଚେତନତାର ପାଠ ପଢ଼ାଇଲେ ଭୁବନେଶ୍ବର ପୋଲିସ ଓ ବିଏମସି କମିଶନର । ଶୁକ୍ରବାର ଭୁବନେଶ୍ବର ଜୟଦେବ ବିହାର ୟୁପି ସ୍କୁଲରେ ସ୍ଥାନୀୟ ଅଞ୍ଚଚଳର ବରିଷ୍ଠ ନାଗରିକ ଓ କର୍ମକର୍ତ୍ତାଙ୍କୁ କୋରୋନା ସଚେତନତାର ଉପରେ ବୁଝାଇଥିଲେ ବିଏମସି ଓ ପୋଲିସ କମିଶନର ।
ଭୁବନେଶ୍ବର କମିଶନରେଟ ପୋଲିସ
ଲକଡାଉନ କଟକଣା ମାନିବା, ପୋଲିସ ଓ ବିଏମସିକୁ ସହାୟତା କରିବା ଓ ସର୍ବୋପରି କରୋନା ମହାମାରୀ ସଂକ୍ରମଣ ରୋକିବାକୁ ସରକାରଙ୍କ ସହ ସହଯୋଗର ହାତ ବଢାଇଥିବାରୁ ଧନ୍ୟବାଦ ଜ୍ଞାପନ କଲେ ବିଏମସି କମିଶନର ପ୍ରେମ ଚନ୍ଦ୍ର ଚୌଧୁରୀ ଓ ପୋଲିସ କମିଶନର ସୁଧାଂଶୁ ଷଡଙ୍ଗୀ ।
ଭୁବନେଶ୍ବରକୁ ପ୍ରବାସୀ ଫେରାନ୍ତଙ୍କ ସୁଅ ଛୁଟୁଥିବା ବେଳେ ସେମାନଙ୍କୁ ସହଯୋଗ କରିବା ଓ କୌଣସି ପ୍ରକାର ଭୟଭୀତ ନହେବା ପାଇଁ ବିଏମସି ପକ୍ଷରୁ ଅନୁରୋଧ କରାଯାଇଥିଲା । ପ୍ରାୟ ୪୦ରୁ ୫୦ ଜଣ ଜନସାଧାରଣ ଉପସ୍ଥିତ ରହି ପୋଲିସକୁ ଅଧିକ କ୍ରିୟାଶୀଳ ହେବାକୁ ପରାମର୍ଶ ଦେଇଥିଲେ ।
ଭୁବନେଶ୍ବରରୁ ସଞ୍ଜୀବ କୁମାର ରାୟ, ଇଟିଭି ଭାରତ
