ଭୁବନେଶ୍ବର: ବିଜେପିର ପ୍ରଶିକ୍ଷଣ ଶିବିରକୁ କଂଗ୍ରେସ ବିଧାୟକ ସୁର ରାଉତରାୟଙ୍କ କଟାକ୍ଷ । ବିଜେପିର ମିଶନ 120 କସରତ ଆରମ୍ଭ ହୋଇଛି। ପୁରୀରେ ଆରମ୍ଭ ହେଲା ବିଜେପିର 3 ଦିନିଆ ପ୍ରଶିକ୍ଷଣ ଶିବିର। ଦଳୀୟ ନେତାଙ୍କୁ ମନ୍ତ୍ର ଦେବେ ପ୍ରଭାରୀ ଏବଂ ହାଇକମାଣ୍ଡ । ଆଗାମୀ 2024 ନିର୍ବାଚନରେ ଦଳ କିଭଳି କ୍ଷମତାକୁ ଆସିବ ସେ ନେଇ ଚାଲିଛି ମାନସ ମନ୍ଥନ। ରାଜ୍ୟ ସରକାରଙ୍କ ବିଫଳତା , କେନ୍ଦ୍ର ସରକାରଙ୍କ ଯୋଜନାକୁ ନେଇ ଜନସାଧାରଣ ଙ୍କ ପାଖରେ ପହଞ୍ଚିବାକୁ ନେଇ ଚାଲିଛି ଆଲୋଚନା।
ହେଲେ ବିଜେପିର ପ୍ରଶିକ୍ଷଣ ଶିବିରର କୌଣସି ପ୍ରଭାବ ପଡିବନାହିଁ ବୋଲି କହିଛନ୍ତି କଂଗ୍ରେସ ବିଧାୟକ ସୁର ରାଉତରାୟ । ବିଜେପି ପ୍ରଶିକ୍ଷଣ ଶିବିର ଜରିଆରେ ବାହାସ୍ପଟ ମାରିବାକୁ ଚାହୁଁଛି । ଏହା ଖାଲି ଲୋକ ଦେଖାଣିଆ। ହେଲେ ରାଜ୍ୟବାସୀ କେନ୍ଦ୍ରର ଦରଦାମ ବୃଦ୍ଧି, ମିଛ ପ୍ରତିଶୃତି ବିଷୟରେ ଅବଗତ ହୋଇସାରିଲେଣି। ଆଉ ଯେତେ ବଡ କଥା , ଯୋଜନା କଥା କହିଲେ ଲୋକେ ଭରଷା କରିବେନାହିଁ। ତେଣୁ ବିଜେଡି ବିଜେପି ଭିତରି ସମ୍ପର୍କ ମଧ୍ୟ ସମସ୍ତଙ୍କୁ ଜଣାପଡି ସାରିଛି। ଆଗକୁ 2024 ନିର୍ବାଚନ ରେ ବିକଳ୍ପ ଭାବେ କଂଗ୍ରେସ ଭଲ ପ୍ରଦର୍ଶନ କରିବ।
ଇଟିଭି ଭାରତ, ଭୁବନେଶ୍ବର
