ଭୁବନେଶ୍ବର: କୋରୋନା ସଂକ୍ରମଣରୁ ରକ୍ଷା ପାଇଁ ସାରା ରାଜ୍ୟରେ ବର୍ତ୍ତମାନ କଡାକଡି ହୋଇଛି କଟକଣା । ହେଲେ ରାଜଧାନୀରେ ଅନେକ ସ୍ଥାନରେ ଏହି ନିୟମ ଖୋଲାଖୋଲି ଉଲଙ୍ଘନ ହେଉଥିବା ଦେଖାଯାଉଛି । ଏମିତିରେ ଶୁକ୍ରବାର ରାଜଧାନୀର 3ଟି ଜୋନରୁ ଜୋରିମାନା ଆଦାୟ କରିଛି ବିଏମସି । ଭୁବନେଶ୍ବର ଉତ୍ତର ଜୋନ, ଦକ୍ଷିଣ-ପୂର୍ବ ଜୋନ ଓ ଦକ୍ଷିଣ-ପଶ୍ଚିମ ଜୋନର ବିଭିନ୍ନ ସ୍ଥାନରେ ଚଢାଉ କରାଯାଇ ଏହି ଅର୍ଥ ଆଦାୟ କରାଯାଇଥିବା ଜଣାପଡିଛି ।
ସୂଚନା ଅନୁଯାୟୀ କଳ୍ପନା ଛକ, କଟକ ରୋଡ, ରାଜମହଲ ଭଳି ବିଭିନ୍ନ ସ୍ଥାନରେ ଶୁକ୍ରବାର ବିଏମସି ଓ ପୋଲିସ ମିଳିତ ଚଢାଉ କରିଥିଲେ । ଏହି ସ୍ଥାନ ମାନଙ୍କରେ ସାମାଜିକ ଦୂରତ୍ବ ଓ ମାସ୍କ ପିନ୍ଧିବା ଆଦି ନିୟମର କଡାକଡି ପାଳନ ନହେବାରୁ ବିଏମସି ଜୋରିମାନା ଆଦାୟ କରିଛି ।
ଭୁବନେଶ୍ବରରୁ ସଞ୍ଜୀବ ରାୟ, ଇଟିଭି ଭାରତ
