ଭୁବନେଶ୍ବର: ଝାରପଡା ଗଣେଶ ମଣ୍ଡପ ଡେଲି ମାର୍କେଟ ଉଚ୍ଛେଦ ଘଟଣାରେ BDA ଅଧିକାରୀଙ୍କ ପାଖରେ ଫେରାଦ ହେଲେ ଭୁବନେଶ୍ୱର ଜିଲ୍ଲା ବିଜେପି କର୍ମକର୍ତ୍ତା । କ୍ଷତିଗ୍ରସ୍ତ ଦୋକାନୀଙ୍କୁ ଶୀଘ୍ର କ୍ଷତିପୂରଣ ସହ ଥଇଥାନ ଦାବି କରିଛନ୍ତି । ଏହାସହ ଦକ୍ଷିଣ ପୂର୍ବ ZDC ଓ BMCର ଜଣେ ଅତିରିକ୍ତ କମିଶନେର, BDAର ଲ୍ୟାଣ୍ଡ ଅଧିକାରୀଙ୍କୁ ନେଇ ଏକ କମିଟି ଗଠନ କରାଯିବ । କ୍ଷତିଗ୍ରସ୍ତଙ୍କ ପାଇଁ ଶୀଘ୍ର ଅସ୍ଥାୟୀ ସ୍ଥାନ ଚିହ୍ନଟ କରି ଅସ୍ଥାୟୀ ଭାବେ ତୁରନ୍ତ ଦୋକାନ ପାଇଁ ବ୍ୟବସ୍ଥା କରିବାକୁ ଦାବି କରିଛନ୍ତି ।
ଝାରପଡା ଗଣେଶ ମଣ୍ଡପ ଡେଲି ମାର୍କେଟ ଉଚ୍ଛେଦ ଘଟଣା, ଦୋକାନୀଙ୍କୁ ଶୀଘ୍ର କ୍ଷତିପୂରଣ ଦାବି
ଜିଲ୍ଲା ବିଜେପି କହିଛି, କମ ସମୟ ଭିତରେ ଉଚ୍ଛେଦ କରାଯାଇଥିବାରୁ ଦୋକାନରୁ ଜିନିଷପତ୍ର ବାହାର କରିପାରିଲେନି, ଫଳରେ ବହୁ ଦୋକାନୀ କ୍ଷତିଗ୍ରସ୍ତ ହେଲେ। । ତରବରିଆ ଭାବେ ଉଚ୍ଛେଦ ହୋଇଛି । ଆଗକୁ ସମାଧାନ ବାଟ ବାହାରିବା ବୋଲି ଆଶା ରଖୁଛୁ ବୋଲି କହିଛନ୍ତି ବିଜେପି ଜିଲ୍ଲା ସଭାପତି । ଏହି ଘଟଣାରେ ପୂର୍ବରୁ ମାନବାଧିକାର କମିଶନଙ୍କ ଦ୍ୱାରସ୍ଥ ହୋଇଥିଲା ବିଜେପି ।
ଭୁବନେଶ୍ବରରୁ ଦେବସ୍ମିତା ରାଉତ, ଇଟିଭି ଭାରତ
