ଭୁବନେଶ୍ବର: ରାଜ୍ୟରେ ସଡକ ଦୁର୍ଘଟଣାରେ ବର୍ଷକୁ ପାଖାପାଖି 5ହଜାର ଲୋକଙ୍କ ମୃତ୍ୟୁ ଘଟୁଛି। ଏହାକୁ ଆଗାମୀ ବର୍ଷକ ମଧ୍ୟରେ 50 ପ୍ରତିଶତ କମାଇବା ପାଇଁ ଲକ୍ଷ୍ୟ ଧାର୍ଯ୍ୟ ହୋଇଥିବା କହିଛନ୍ତି ପରିବହନ ମନ୍ତ୍ରୀ ପଦ୍ମନାଭ ବେହେରା। ଆଉ ଏଥିପାଇଁ ରାଜ୍ୟର ସମସ୍ତ ଅଞ୍ଚଳରେ ଟ୍ରାଫିକ ନିୟମକୁ କଡାକଡି ଭାବେ ଲାଗୁ କରାଯିବ ବୋଲି ସେ କହିଛନ୍ତି ।
ରବିବାର ଚନ୍ଦ୍ରଶେଖରପୁରସ୍ଥିତ ଟ୍ରାଫିକ ଟ୍ରେନିଂ ସେଣ୍ଟର ଠାରେ ଆୟୋଜିତ 31ତମ ସଡକ ସୁରକ୍ଷା ସପ୍ତାହ ଉଦଯାପନି ଉତ୍ସବରେ ମୁଖ୍ୟ ଅତିଥି ଭାବେ ଯୋଗ ଦେଇ ଏହା କହିଛନ୍ତି ରାଜ୍ୟ ପରିବହନ ମନ୍ତ୍ରୀ। ଏହି ଅବସରରର ମନ୍ତ୍ରୀ ଇ-ଚେକ ଗେଟ ବ୍ୟବସ୍ଥାର ଶୁଭାରମ୍ଭ କରିବା ସହିତ ବାହାର ରାଜ୍ୟରୁ ଓଡିଶାକୁ ଆସୁଥିବା ଗାଡି ପାଇଁ ଏହା ଅନେକ ପ୍ରକାର ସୁବିଧା ପ୍ରଦାନ କରିବ ବୋଲି କହିଛନ୍ତି।
ଆଜିର ଏହି ଉତ୍ସବରେ ଅନ୍ୟତମ ଅତିଥିଭାବେ ପରିବହନ କମିଶନର ସଞ୍ଜୀବ ପଣ୍ଡା ରାଜ୍ୟରେ ଖୁବ ଶୀଘ୍ର ‘ଇଣ୍ଟିଲିଜେନ୍ସ ଟ୍ରାଫିକ ମ୍ୟାଞ୍ଜେମେଣ୍ଟ ସିଷ୍ଟମ’ ସହିତ ସିଟିଜେନସିପ ରିପୋର୍ଟିଂ ବ୍ୟବସ୍ଥା ଲାଗୁ ହେବାକୁ ଯାଉଛି ବୋଲି କହିଛନ୍ତି। ଯାହା ଫଳରେ ସଡକ ସୁରକ୍ଷା ଦିଗରେ ଅନେକ ସୁଧାର ଆସିପାରିବ ବୋଲି ସେ କହିଛନ୍ତି। ଏହି ଉତ୍ସବରେ ଅନ୍ୟମାନଙ୍କ ମଧ୍ୟରେ ପୋଲିସ କମିଶନର ସୁଧାଂଶୁ ଷଡଙ୍ଗୀ, ସିଆଇଡି ଆଇଜି ଅମିତେନ୍ଦ୍ରନାଥ ସିହ୍ନା, ଭୁବନେଶ୍ବର ମଧ୍ୟ ଓ ଉତ୍ତର ବିଧାୟକ ପ୍ରମୁଖ ଯୋଗ ଦେଇ ସଡକ ସୁରକ୍ଷା ଉପରେ ଆଲୋକପାତ କରିଥିଲେ।
ଭୁବନେଶ୍ବରରୁ ଲକ୍ଷ୍ମୀକାନ୍ତ ଦାସ, ଇଟିଭି ଭାରତ
