ଭୁବନେଶ୍ବର: କୁଖ୍ୟାତ ବ୍ରାଉନସୁଗାର ମାଫିଆ ଏସ.କେ ରାଜାର 2 ସହଯୋଗୀଙ୍କୁ ବାଲେଶ୍ବରରୁ ଗିରଫ କରାଯାଇଛି। ଧରା ହୋଇଥିବା ଦୁଇ ସହଯୋଗୀ ବସନ୍ତ ବେହେରା(30) ଓ ନିଳାଦ୍ରୀ ଦାସ(26)ଙ୍କ ଠାରୁ 2ଟି ବାଇକ, ଗୋଟିଏ ୟାମାହା, 3ଟି ମୋବାଇଲ ସହ ପ୍ରମାଣପତ୍ର ଜବତ ହୋଇଛି।
ଏମାନେ ରାଜାର ଆଦେଶରେ ବାଲେଶ୍ବରରୁ ବ୍ରାଉନସୁଗାର ଆଣି ଖୋର୍ଦ୍ଧରେ ପହଞ୍ଚାଉଥିଲେ । ରାଜାକୁ ଗିରଫ କରିବା ପରେ, ରାଜାର ଏକ କୋଟିରୁ ଊର୍ଦ୍ଧ୍ବ ସମ୍ପତ୍ତିକୁ ଠାବ କରିବାକୁ ଚେଷ୍ଟା କରୁଥିଲା ଏସଟିଏଫ୍। ଏହି ବ୍ରାଉନସୁଗାର ବାଲେଶ୍ବରର ଜଳେଶ୍ବର ଦେଇ ପଶ୍ଚିମବଙ୍ଗରୁ ଓଡିଶାର ବିଭିନ୍ନ ସ୍ଥାନକୁ ଚାଲାଣ ହେଉଛି। ଏସଟିଏଫ 2 ଅଭିଯୁକ୍ତଙ୍କୁ ଗିରଫ କରି ଖୋର୍ଦ୍ଧା ଏସଡିଜେଏମ କୋର୍ଟକୁ ପଠାଇଥିବା ଜଣାପଡିଛି।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
