ଭୁବନେଶ୍ବର: ରାଷ୍ଟ୍ରହିତକୁ ପ୍ରାଧାନ୍ୟ ଦିଅନ୍ତୁ । ନିଜ କାର୍ଯ୍ୟ ଦକ୍ଷତାକୁ ଦେଶ ହିତରେ ଲଗାନ୍ତୁ । 16 ତମ ଜାତୀୟ ଚାଟାର୍ଡ ଆକାଉଣ୍ଟାଣ୍ଟ(ସିଏ) ସମ୍ମିଳନୀର ଉଦଘାଟନ କରି ଏପରି କହିଛନ୍ତି କେନ୍ଦ୍ରମନ୍ତ୍ରୀ ପ୍ରତାପ ଷଡଙ୍ଗୀ । ଅନେକ ବ୍ୟକ୍ତି ଅଛନ୍ତି ସେମାନେ ନିଜ କାର୍ଯ୍ୟରେ ଏପରି ପାରଙ୍ଗମ ଯେ ତାହାକୁ ସେ ଦେଶ ହିତ ପାଇଁ ବ୍ୟବହାର ନ କରି ନିଜ ସ୍ବାର୍ଥ ପାଇଁ ବ୍ୟବହାର କରୁଛନ୍ତି। ଫଳରେ ନିରବ ମୋଦି, ଲଳିତ ମୋଦି ଓ ବିଜୟ ମାଲ୍ୟା ଭଳି ଲୋକମାନେ ଦେଶର ଧନ ଲୁଟ କରିବାରେ ସକ୍ଷମ ହେଉଛନ୍ତି । ତେଣୁ ନିଷ୍ଠାବାନ କର୍ତ୍ତବ୍ୟନିଷ୍ଠ ଚାଟାର୍ଡ ଆକାଉଣ୍ଟାଣ୍ଟ ହେବା ସହିତ ଏପରି ଚୋର ମାନଙ୍କୁ ଧରିବାକୁ ସେ ପରାମର୍ଶ ଦେଇଛନ୍ତି ।
16ତମ ଏହି ସମ୍ମିଳନୀର ମୁଖ୍ୟ ବିଷୟବସ୍ତୁ ପରିବର୍ତ୍ତନ ପାଇଁ ପରିବର୍ତ୍ତନକୁ ଗ୍ରହଣ କରିବା ଉପରେ ସମ୍ମିଳୀତ । ଯେଉଁଥିରେ ପୁରୁଣା ବ୍ୟବସ୍ଥାରୁ ନୂଆ ବ୍ୟବସ୍ଥାକୁ ଗ୍ରହଣ କରିବା ସମେତ ଏହି କ୍ଷେତ୍ରରେ ପାରମ୍ପରିକ ବ୍ୟବସ୍ଥାକୁ କିପରି ନୂତନ ଜ୍ଞାନକୌଶଳ ମାଧ୍ୟମରେ ବ୍ୟବହାର କରି ହେବ ସେନେଇ ଚର୍ଚ୍ଚା ହେବ ବୋଲି ଜଣାପଡିଛି।
ଆଜିର ଉତ୍ସବରେ ଅନ୍ୟମାନଙ୍କ ମଧ୍ୟରେ ନାଲକୋର ଆର୍ଥିକ ନିର୍ଦ୍ଦେଶକ ଶ୍ରୀଧର ପାତ୍ର ସମ୍ମାନିତ ଅତିଥିଭାବେ ଯୋଗ ଦେଇଥିବାବେଳେ ଆଇସିଏଆଇର ଜାତୀୟ ସଭାପତି ପ୍ରଫୁଲ ପ୍ରେମସୁଖ ଛାଜେଦ, ଚେୟାରମ୍ୟାନ ରାଜେଶ ଶର୍ମା ଓ ଅନ୍ୟାନ୍ୟ ସଦସ୍ୟମାନେ ଯୋଗଦେଇ ବିଭିନ୍ନ ଟ୍ୟାକ୍ସ ଲ’ ବିଷୟରେ ଆଲୋଚନା କରିଛନ୍ତି।
ଭୁବନେଶ୍ବରରୁ ଲକ୍ଷ୍ମୀକାନ୍ତ ଦାସ, ଇଟିଭି ଭାରତ
