ଭଦ୍ରକ: ବନ୍ୟା, ବାତ୍ୟା ପ୍ରପୀଡିତଙ୍କୁ ରିଲିଫ୍ ବଣ୍ଟନ । ଭଦ୍ରକ ଜିଲ୍ଲା ଚାନ୍ଦବାଲି ବ୍ଲକ ଅନ୍ତର୍ଗତ ଧାମରାର 8 ଗୋଟି ପଞ୍ଚାୟତରେ ବନ୍ୟା ବିପନ୍ନ ପରିବାର ଗୁଡିକୁ ସ୍ୱତନ୍ତ୍ର ରିଲିଫ ପ୍ରଦାନ କରିଛି ରାମକୃଷ୍ଣ ମିଶନ l ଧାମରାର 8 ଗୋଟି ପଞ୍ଚାୟତରେ ପ୍ରାୟ 8 ଶହ ପରିବାରଙ୍କୁ ରାସନ ସାମଗ୍ରୀ ବଣ୍ଟନ କରାଯାଇଛି ।
ବେଲୁଡ଼ ମଠ ଅନ୍ତର୍ଗତ ରାମକୃଷ୍ଣ ମିଶନ ପକ୍ଷରୁ ବନ୍ୟା, ବାତ୍ୟା ପ୍ରପୀଡିତଙ୍କୁ ପ୍ରଦାନ କରାଯାଇଛି । ତେବେ ପ୍ରଥମ ପର୍ଯ୍ୟାୟରେ ଚାନ୍ଦବାଲିରେ 5ଟି ପଞ୍ଚାୟତରେ 5 ଶହ ବାତ୍ୟା ଓ ବନ୍ୟା ବିପନ୍ନଙ୍କୁ ସ୍ୱତନ୍ତ୍ର ରିଲିଫ ବଣ୍ଟନ କରାଯିବା ପରେ ଦ୍ଵିତୀୟ ପର୍ଯ୍ୟାୟରେ ଧାମରାରେ 8 ଶହ ଲୋକଙ୍କୁ ବଣ୍ଟନ କରାଯାଇଛି l
ଏହି ପରିପ୍ରେକ୍ଷୀରେ ଚାନ୍ଦବାଲି ଓ ଧାମରାରେ ସ୍ୱେଚ୍ଛାସେବୀ ମାନେ ସାମିଲ ହୋଇ ରାମକୃଷ୍ଣ ମିଶନ କର୍ମକର୍ତ୍ତାଙ୍କୁ ସହଯୋଗ କରିଥିଲେ ବୋଲି ଜଣାପଡିଛି । ତେବେ ବିପନ୍ନ ଲୋକଙ୍କ ଜୀବନଯାପନ ସ୍ବାଭାବିକ ହେବା ଯାଏଁ ଏପରି କାର୍ଯ୍ୟଧାରା ଜାରି ରହିବ ବୋଲି ରାମକୃଷ୍ଣ ମିଶନ କର୍ମକର୍ତ୍ତା ସୂଚନା ଦେଇଛନ୍ତି ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
