ବ୍ରହ୍ମପୁର: କେରଳରୁ ଓଡିଶା ଅଭିମୁଖେ ବାହାରିଥିବା ଏନାକୁଲମ୍-ଭୁବନେଶ୍ବର ସ୍ବତନ୍ତ୍ର ଶ୍ରମିକ ଟ୍ରେନ ରବିବାର ଓଡିଶାରେ ପହଞ୍ଚିବା । ଏନେଇ ପ୍ରଶାସନ ପକ୍ଷରୁ ପ୍ରସ୍ତୁତି ଶେଷ ହୋଇଛି । ରବିବାର ସକାଳ ସମୟରେ ଏହି ଟ୍ରେନ ଆନ୍ଧ୍ର- ଓଡିଶା ସୀମାନ୍ତ ଦେଇ ବ୍ରହ୍ମପୁର ଉପକଣ୍ଠ ଜଗନ୍ନାଥପୁର ରେଳଷ୍ଟେସନରେ ପହଞ୍ଚିବ ।
ସେଠାରେ ଦକ୍ଷିଣ ଓଡିଶାର ସମସ୍ତ ଜିଲ୍ଲାର ଯାତ୍ରୀଙ୍କୁ ଓହ୍ଲାଯାଇ ସ୍ବତନ୍ତ୍ର ବସରେ ସେମାନଙ୍କ ଜିଲ୍ଲାକୁ ପଠାଯିବ । ଏହାକୁ ନେଇ ଗଞ୍ଜାମ ଜିଲ୍ଲା ପ୍ରଶାସନ ପକ୍ଷରୁ ଜଗନ୍ନାଥପୁର ରେଳଷ୍ଟେସନ ଠାରେ କିଭଳି ପ୍ରବାସୀ ଓଡିଆ ଯାତ୍ରୀ ମାନଙ୍କୁ କିଭଳି ଭାବେ ନିଆଯିବ ତାହାକୁ ଅନୁଧ୍ୟାନ କରାଯାଇଛି । ରାଜ୍ୟ ସରକାରଙ୍କ ଗୃହ ଓ ନଗର ଉନ୍ନୟନ ବିଭାଗର ସଚିବ ରେଳଷ୍ଟେନରେ ପହଞ୍ଚି ଜିଲ୍ଲାପାଳ, ଏସପି, ମହାନଗର ନିଗମ କମିଶନର ଏବଂ ଉପସ୍ଥିତ ଜିଲ୍ଲା ପ୍ରଶାସନର ଅଧିକାରୀଙ୍କ ସହ ଆଲୋଚନା କରିଥିଲେ । ଏହି ଟ୍ରେନ ସକାଳ ୫ ଟାରୁ ୬ ମଧ୍ୟରେ ଜଗନ୍ନାଥପୁର ଏବଂ ସକାଳ ୮.୩୦ ରୁ ୯.୩୦ ମଧ୍ୟରେ ଖୋର୍ଦ୍ଧା ରୋଡରେ ପହଞ୍ଚିବ ।
ଯାହାକୁ ନେଇ ପ୍ରଶାସନ ପକ୍ଷରୁ ସମସ୍ତ ପ୍ରକାର ପ୍ରସ୍ତୁତି ଶେଷ ପର୍ଯ୍ୟାୟରେ ପହଞ୍ଚିଛି । ମୁଖ୍ୟତଃ ଏହି ଟ୍ରେନରେ ଗଞ୍ଜାମ ଜିଲ୍ଲାର ୧୩୧ ଜଣ, କନ୍ଧମାଳ ଜିଲ୍ଲାର ୩୫୩ ଜଣ, ବୌଦ୍ଧ ଜିଲ୍ଲାର ୬ ଜଣ, ରାୟଗଡାର ୧୭ ଜଣ, କୋରାପୁଟର ଜଣେ ଓ ନବରଙ୍ଗପୁରର ତିନି ଜଣ ପ୍ରବାସୀ ଓଡିଆ ଆସୁଥିବା ଜଣାଯାଇଛି ।
ବ୍ରହ୍ମପୁର ରୁ ସମୀର ଆଚାର୍ଯ୍ୟ ଇଟିଭି ଭାରତ
