ବ୍ରହ୍ମପୁର: କାରକୁ ପଛ ପଟୁ ଧକ୍କା ଦେଲା ଡମ୍ପର । ଫଳରେ ଜଣେ ପ୍ରାଣ ହରାଇଥିବା ବେଳେ ଅନ୍ୟଜଣେ ଗୁରୁତର ଆହତ ହୋଇଛନ୍ତି । ଏଭଳି ମର୍ମନ୍ତୁଦ ଦୁର୍ଘଟଣା ଘଟିଛି ଗଞ୍ଜାମ ଜିଲ୍ଲା ପାଟପୁର ଥାନା ଅନ୍ତର୍ଗତ ପୋଡାମାରୀ ଗାଁ ନିକଟରେ । ମୃତକ ହେଲେ ଶ୍ରୀକାନ୍ତ ନାୟକ ଏବଂ ଗୁରୁତର ହେଲେ ସୁନିଲ ଦଳ ବେହେରା । ଉଭୟଙ୍କ ଘର ବ୍ରହ୍ମପୁରରେ ବୋଲି ଜଣାପଡିଛି ।
ସୂଚନା ଅନୁସାରେ, ଗୁରୁବାର ଉଭୟେ କୌଣସି କାମରେ ମୋହନା ଯାଇ ସନ୍ଧ୍ୟାରେ ଫେରୁଥିଲେ । ହେଲେ ଅଚାନକ ତାଙ୍କ କାର୍କୁ ପଛପଟକୁ ଏକ ଡମ୍ପର ଧକ୍କା ଦେଇଥିଲା । ଫଳରେ ଉଭୟେ ସାମ୍ନାରେ ଯାଉଥିବା ଏକ ଟ୍ରକରେ ଚାପି ହୋଇଯାଇଥିଲା । ସଙ୍ଗେସଙ୍ଗେ ଉଭୟଙ୍କୁ ସ୍ଥାନୀୟ ଲୋକେ ଉଦ୍ଧାର କରି ଦିଗପହଣ୍ଡି ଗୋଷ୍ଠି ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ । ସେଠାରେ ଡାକ୍ତର ଶ୍ରୀକାନ୍ତଙ୍କୁ ମୃତ ଘୋଷଣା କରିଥିଲେ । ଅନ୍ୟପଟେ ସୁନିଲଙ୍କୁ ବ୍ରହ୍ମପୁର ଏମକେସିଜି ମେଡିକାଲକୁ ସ୍ଥାନାନ୍ତର କରାଯାଇଛି । ଖବର ପାଇ ପାଟପୁର ପୋଲିସ ପହଞ୍ଚି ଘଟଣାର ତଦନ୍ତ ଜାରି ରଖିଛି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
