ବ୍ରହ୍ମପୁର: ଗଞ୍ଜାମ ବାଗଡା ଗାଁର ହରିଜନ ସାହିରେ ଭୟାବହ ଅଗ୍ନିକାଣ୍ତ । ଏହି ଅଗ୍ନିକାଣ୍ତରେ ପାଞ୍ଚୋଟି ପରିବାରର ଘର ପୋଡ଼ି ଭସ୍ମିଭୂତ ହୋଇଯାଇଛି । ଫଳରେ ଲକ୍ଷାଧିକ ଟଙ୍କର ସମ୍ପତି ପୋଡି ପାଉଁଷ ହୋଇଯାଇଛି । ସୂଚନାନୁଯାୟୀ, ବାଗଡ଼ା ଗ୍ରାମର ହରିଜନ ସାହିରେ ରହୁଥିବା 5ଟି ପରିବାରର ଘରେ କୈାଣସି କାରଣରୁ ନିଆଁ ଲାଗିଯାଇଥିଲା ।
ଭୟାବହ ଅଗ୍ନିକାଣ୍ତରେ ସର୍ବସ୍ବ ହରାଇଲେ 5 ପରିବାର
ଗ୍ରାମବାସୀ ନିଆଁକୁ ଆୟତ୍ତ କରିବାକୁ ଲାଗି ପଡ଼ିଥିଲେ । ଶେଷରେ ଦିଗପହଣ୍ଡି ଅଗ୍ନିଶମ ବାହିନୀ କର୍ମଚାରୀ ମାନେ ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତ କରିଥିଲେ । ତେବେ ଅଗ୍ନିବିପନ୍ନ ପରିବାର ଗୁଡିକ ଗରିବ ଶ୍ରେଣୀର ହୋଇଥିବା ବେଳେ ସେମାନଙ୍କୁ ସରକାରୀ ସହାୟତା ଯୋଗାଇ ଦେବାକୁ ଗ୍ରାମବାସୀ ମାନେ ଦାବି କରିଛନ୍ତି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
