ବ୍ରହ୍ମପୁର: ଆଶାକର୍ମୀଙ୍କୁ ଦୁର୍ବ୍ୟବହାର ମାମଲାରେ ଅଭିଯୁକ୍ତ ଗିରଫ । ଗଞ୍ଜାମ ଜିଲ୍ଲାର ଦିଗପହଣ୍ଡି ବ୍ଲକ ଅନ୍ତର୍ଗତ ସହଦେବ ଟିକରପଡା ଗ୍ରାମର ଜଣେ ମହିଳା ଆଶାକର୍ମୀଙ୍କୁ ଦୁର୍ବ୍ୟବହାର ମାମଲାରେ ଅଭିଯୁକ୍ତ ସିମାଞ୍ଚଳ ଗୈାଡଙ୍କୁ ଗିରଫ କରି କୋର୍ଟଚାଲାଣ କରିଛି କେ. ନୂଆଗାଁ ଥାନା ପୋଲିସ । ସୂଚନାନୁଯାୟୀ ଗତ ରବିବାର ଦିନ ଉକ୍ତ ଗ୍ରାମର ସୀମାଞ୍ଚଳ ଆଶାକର୍ମୀଙ୍କୁ ଆକ୍ରୋଶ ମନୋଭାବ ରଖି ଅସଭ୍ୟ ଭାଷାରେ ଗାଳିଗୁଲଜ କରିଥିଲେ । ଏନେଇ ଆଶାକର୍ମୀ ଜଣଙ୍କ ନୂଆଗାଁ ଥାନାରେ ଏତଲା ଦେବା ପରେ ପୋଲିସ ଏକ ମାମଲା ରୁଜୁ କରି ଘଟଣା ତଦନ୍ତ କରିଥିଲା ।
କିନ୍ତୁ ଥାନାରେ ଏତଲା ଦିଆଯାଇଥିବା ଜାଣିପାରି ଅଭିଯୁକ୍ତ ଜଣକ କ୍ରୋଧିତ ହୋଇ ପୁଣି ଏତଲାକାରୀଙ୍କ ଘରକୁ ଯାଇ ଗାଳିଗୁଲଜ କରିବା ସହ ଏତଲା ପ୍ରତ୍ୟାହାର କରିବା ପାଇଁ ଧମକ ଦେଇଥିଲା । ଏନେଇ ଆଉ ଏକ ମାମଲା ରୁଜୁ କରି ଅଭିଯୁକ୍ତକୁ ଗିରଫ କରି କୋର୍ଟ ଚାଲାଣ କରିଛି ପୋଲିସ । ତେବେ ଜାମିନ ଖାରଜ ହେବାରୁ ଅଭିଯୁକ୍ତକୁ ଦିଗପହଣ୍ଡି ସବଜେଲ ହାଜତକୁ ପଠାଇ ଦିଆଯାଇଥିବା ଜଣାପଡିଛି ।
ବ୍ରହ୍ମପୁରରୁ ସମୀର କୁମାର ଆଚାର୍ଯ୍ୟ, ଇଟିଭି ଭାରତ
