ନୂଆଦିଲ୍ଲୀ: ଲଗାତାର ହ୍ରାସ ହୋଇଚାଲିଛି ସୁନା ଦାମ । ଗୁରୁବାର ଜାତୀୟ ରାଜଧାନୀ ଦିଲ୍ଲୀରେ ସୁନା ଦାମ 10 ଗ୍ରାମ ପ୍ରତି 320 ଟଙ୍କା ହ୍ରାସ ହୋଇ 45,867 ଟଙ୍କା ରହିଛି ।
ପୂର୍ବ କାରବାରରେ ବହୁମୂଲ୍ୟ ଧାତୁ ସୁନା ଦାମ 10 ଗ୍ରାମ ପ୍ରତି 46,187 ଟଙ୍କାରେ ବନ୍ଦ ହୋଇଥିଲା । ସେପଟେ ଗୁରୁବାର ରୂପା ଦାମ କିଲୋ ପ୍ରତି 28 ଟଙ୍କା ବଢି 68,283 ଟଙ୍କା ଅଛି । ଯାହାକି ପୂର୍ବ କାରବାରରେ କିଲୋ ପିଛା 68,255 ଟଙ୍କା ଥିଲା ।
ହେଲେ ଅନ୍ତରାଷ୍ଟ୍ରୀୟ ବଜାରରେ ସୁନା ଦାମ ଆଉନ୍ସ ପ୍ରତି ବଢି 1,780 ଡଲାର ରହିଛି । ସେହିଭଳି ରୂପା ଦାମ 27.16 ଡଲାରରେ ଅପରିବର୍ତ୍ତିତ ରହିଛି ।
ବିବାହ ସିଜନ ମଧ୍ୟରେ ସୁନା ଦାମ ହ୍ରାସ ଗହଣା ପ୍ରେମୀଙ୍କୁ ଆଶ୍ବସ୍ତି ଦେଇଛି ।
