ନୂଆଦିଲ୍ଲ: କେନ୍ଦ୍ର ସରକାର ଓ ଆରବିଆଇର କୋରୋନା ପ୍ୟାକେଜ ଘୋଷଣା ପରେ ବି ଖୁସ ନାହାନ୍ତି ଘରୋଇ ନିବେଶକ । ସେପଟେ କୋରୋନା ସଂକ୍ରମଣ ଡରରେ ବିଶ୍ବ ବଜାରରେ ମଧ୍ୟ କୌଣସି ଉତ୍ସାହ ଦେଖିବାକୁ ମିଳିନି । ଫଳରେ ସୋମବାର ଭାରତୀୟ ସେୟାର ବଜାର ହ୍ରାସ ସହ ବନ୍ଦ ହୋଇଛି । ଏଥିଯୋଗୁଁ ନିବେଶକଙ୍କୁ ପ୍ରାୟ 2.74 ଲକ୍ଷ କୋଟି ଟଙ୍କ ହରାଇବାକୁ ପଡିଛି ।
ସୋମବାର ବମ୍ବେ ଷ୍ଟକ ଏକ୍ସଚେଞ୍ଜ(ବିଏସଇ) 30 ସେୟାର ଉପରେ ଆଧାରିତ ସୂଚକାଙ୍କ ସେନସେକ୍ସ 1,375.27 ପଏଣ୍ଟ ଖସି 28,440.32 ରେ କାରବାର ବନ୍ଦ କରିଛି । ସେହିପରି ନ୍ୟାସନାଲ ଷ୍ଟକ ଏକ୍ସଚେଞ୍ଜ(ଏନଏସଇ)ର 50 ସେୟାର ଉପରେ ଆଧାରିତ ସୂଚକାଙ୍କ ନିଫ୍ଟି 370.60 ପଏଣ୍ଟ କମି 8,289.65ରେ ବନ୍ଦ ହୋଇଛି । ତେବେ ସର୍ବାଧିକ ହ୍ରାସ ବ୍ୟାଙ୍କିଙ୍ଗ ସେକ୍ଟର ସେୟାରରେ ଦେଖିବାକୁ ମିଳିଛି ।
ସୋମବାର କାରବାର ସମୟରେ ସିପଲା, ଟେକ ମହିନ୍ଦ୍ରା, ନେଷ୍ଟଲେ ଇଣ୍ଡିଆ, ଡକ୍ଟର ରେଡ୍ଡୀଙ୍କ ଲ୍ୟାବ୍ସ, ଆକ୍ସିସ୍ ବ୍ୟାଙ୍କ, ଟାଇଟନ କମ୍ପାନୀ ଏବଂ ହିନ୍ଦୁସ୍ତାନ ୟୁନିଲିଭରର ସେୟାର ସର୍ବାଧିକ ଲାଭଜନକ ଷ୍ଟକ ଥିଲା। ସେପଟେ ବଜାଜ ଫାଇନାନ୍ସ, , ଟାଟା ଷ୍ଟିଲ, HDFC ବ୍ୟାଙ୍କ, ଷ୍ଟେଟ ବ୍ୟାଙ୍କ ଅଫ ଇଣ୍ଡିଆ ଏବଂ ଆଇସିଆଇସିଆଇ ବ୍ୟାଙ୍କ ସେୟାର ସବୁଠୁ ଅଧିକ କ୍ଷତିଗ୍ରସ୍ତ ଥିଲେ ।
