ନୂଆଦିଲ୍ଲୀ: 28 ଦିନ ଭିତରେ ଭାରତ ଫେରିବ ପଳାତକ ବ୍ୟବସାୟୀ ବିଜୟ ମାଲ୍ୟା । ଏ ନେଇ ଆଜି(ମଙ୍ଗଳବାର) ଲଣ୍ଡନ ହାଇକୋର୍ଟ କରିବ ଶୁଣାଣି । ଯଦି ଇଲଣ୍ଡରେ ରହିବାକୁ ଅନୁମତି ନ ମିଳେ , ତେବେ 28 ଦିନ ଭିତରେ ସେ ଭାରତ ଫେରିବା ନିଶ୍ଚିତ ।
ଏପେଟ ଭାରତ ପ୍ରତ୍ୟାପଣ ଭୟରେ ବ୍ରିଟେନରେ ରହିବାକୁ ଅନୁରୋଧ କରିଛି ମାଲ୍ୟା । କିନ୍ତୁ ଦେଶରୁ ଏତେ ଟଙ୍କା ଠକିନେବା ପରେ ଚୁପ ରହିବାକୁ ନାରାଜ ଭାରତୀୟ ଯାଞ୍ଚ ଏଜେନ୍ସି । ମାଲ୍ୟାର ପ୍ରତିଟି ପଦକ୍ଷେପ ଉପରେ ତୀଖ୍ନ ନଜର ରଖି ଦେଶକୁ ଫେରାଇ ଆଣିବାକୁ ଯୋଜନା ପାଞ୍ଚୁଛନ୍ତି ।
ସୂଚନା ମୁତାବକ, ଫେବୃଆରୀ 14ରେ ଭାରତ ପ୍ରତ୍ୟାପଣ ବିରୋଧରେ ମାଲ୍ୟା ଯାଚିକା ଦାୟର କରିଥିଲେ । ହେଲେ ମାଲ୍ୟାଙ୍କ ଏହି ଯାଚିକାକୁ ବ୍ରିଟେନ କୋର୍ଟ ଏପ୍ରିଲ 5ରେ ଖାରଜ କରିଦେଇଥିଲେ । ଏହା ପରେ ପୁଣି ଥରେ ମାମଲାର ମୌଖିକ କାର୍ଯ୍ୟନୁଷ୍ଠାନ ପାଇଁ ମାଲ୍ୟା ଆବେଦନ କରିଥିଲେ ।
