ନୂଆଦିଲ୍ଲୀ: କୋରୋନା ଯୋଗୁଁ ବିଭିନ୍ନ ସେକ୍ଟର ବାଧାପ୍ରାପ୍ତ । ଏଥିଯୋଗୁଁ ପ୍ରବଳ ରାଜସ୍ବ କ୍ଷତି ସହିବାକୁ ପଡିଛି । ଏଥିପାଇଁ ରାଜ୍ୟ ପାଇଁ 6,194 କୋଟି ଟଙ୍କାର ରାଜସ୍ବ ନିଅଣ୍ଟ ଅନୁଦାନର 12 ତମ ତଥା ଅନ୍ତିମ କିସ୍ତି ବୁଧବାର ଜାରି କରିଛି ଅର୍ଥ ମନ୍ତ୍ରାଳୟ ।
ମନ୍ତ୍ରାଳୟ ଏକ ବିବୃତ୍ତିରେ କହିଛି କି, ଏହି କିସ୍ତି ଜାରି ହେବା ସହ ଯୋଗ୍ୟ ରାଜ୍ୟରୁ ଚଳିତ ଆର୍ଥିକ ବର୍ଷରେ କେନ୍ଦ୍ରୀୟ କରରେ ଅଂଶଧନ ପରେ ରାଜସ୍ବ କ୍ଷତି ଅନୁଦାନ (ପିଡିଆରଡି) ରୂପରେ 74,340 କୋଟି ଟଙ୍କା ଜାରି କରାଯାଇସାରିଛି ।
ପଞ୍ଚଦଶ ଅର୍ଥ ଆୟୋଗଦର ସୁପାରିଶ ଆଧାରରେ କେନ୍ଦ୍ରୀୟ କରରେ ଅଂଶଧନ ପରେ ରାଜସ୍ବ ନିଅଣ୍ଟ ଅନୁଦାନ ମାସିକ କିସ୍ତି ଭାବେ ଜାରି କରାଯାଇଥାଏ । ଏହା କେନ୍ଦ୍ରୀୟ କରରେ ଅଂଶଧନ ପରେ ରାଜ୍ୟର ରାଜସ୍ବ ନିଅଣ୍ଟରେ ରହିଥିବା ଅନ୍ତକୁ ପୂରା କରିବାକୁ ଦିଆଯାଏ ।
ମନ୍ତ୍ରଣାଳୟର ସୂଚନାନୁସାରେ, ଆର୍ଥିକ ବର୍ଷ 2020-21 ପାଇଁ କେନ୍ଦ୍ରୀୟ ଟିକସର ଅଂଶଧନକୁ ବିଚାରକୁ ନେଇ ରାଜ୍ୟର ରାଜସ୍ବ ଏବଂ ବ୍ୟୟ ମଧ୍ୟରେ ପାର୍ଥକ୍ୟର ଆକଳନ କରାଯାଏ । ଆଉ ସେହି ଆଧାରରେ ଆୟୋଗ ଏହି ଅନୁଦାନ ପାଇବାକୁ ରାଜ୍ୟର ଯୋଗ୍ୟତା ଏବଂ ପରିମାଣ ନିର୍ଣ୍ଣୟ କରିଛନ୍ତି।
ପଞ୍ଚଦଶ ଅର୍ଥ ଆୟୋଗ ଆର୍ଥିକ ବର୍ଷ 2020-21ରେ 14 ରାଜ୍ୟକୁ ମୋଟ 74,340 କୋଟି ଟଙ୍କାର ବ୍ୟତିକ୍ରମ ପରେ ରାଜସ୍ବ ନିଅଣ୍ଟ ଅନୁଦାନର ସୁପାରିସ କରିଛି । ଏଥିମଧ୍ୟରୁ ଏବେ ସୁଦ୍ଧା ସମସ୍ତ ଧନରାଶି ଦିଆସରିଛି ।
ପଞ୍ଚଦଶ ଅର୍ଥ ଆୟୋଗର ସୁପାରିସ ପରେ ଆନ୍ଧ୍ର ପ୍ରଦେଶ, ଆସାମ, ହିମାଚଳ ପ୍ରଦେଶ, କେରଳ, ମଣିପୁର, ମେଘାଳୟ , ମିଜୋରାମ, ନାଗାଲାଣ୍ଡ, ପଞ୍ଜାବ, ସିକ୍କିମ, ତାମିଲନାଡୁ, ତ୍ରିପୁରା, ଉତ୍ତରାଖଣ୍ଡ, ପଶ୍ଚିମ ବଙ୍ଗକୁ ରାଜସ୍ବ ନିଅଣ୍ଟ ଅନୁଦାନ ପ୍ରଦାନ ହୋଇଛି
