ନୂଆଦିଲ୍ଲୀ: ଦୀର୍ଘ ସମୟ ଧରି ସମସ୍ୟାରେ ଜୁଝୁଥିବା ପଞ୍ଜାବ ଆଣ୍ଡ ମହାରାଷ୍ଟ୍ର କୋପରେଟିଭ ବ୍ୟାଙ୍କ (ପିଏମସି) ଗ୍ରାହକଙ୍କ ସମସ୍ୟା ଶୀଘ୍ର ଦୂର ହେବ । କାରଣ ଖୋଲିଯାଇଛି ସଙ୍କଟଗ୍ରସ୍ତ ପିଏମସି ବ୍ୟାଙ୍କ ଅଧିଗ୍ରହଣ ରାସ୍ତା । ଭାରତୀୟ ରିଜର୍ଭ ବ୍ୟାଙ୍କ ସେଣ୍ଟ୍ରମ ଫାଇନାନ୍ସିଆଲ ସର୍ଭିସେଜକୁ small finance bank (ଲଘୁ ଆର୍ଥିକ ବ୍ୟାଙ୍କ ) ସ୍ଥାପନ କରିବା ପାଇଁ ଦେଇଛି ଅନୁମତି ।
ପିଏମସି ବ୍ୟାଙ୍କର ଅଧିଗ୍ରହଣ ପାଇଁ ଆବେଦନ କରିଥିବା ସେଣ୍ଟ୍ରମ ଫାଇନାନ୍ସିଆଲ ସର୍ଭିସେଜ ବି ସାମିଲ ରହିଛି । ଭାରତ ପେ ସହ ମିଶି ସେଣ୍ଟ୍ରମ ଫାଇନାନ୍ସିଆଲ ସର୍ଭିସେଜ ସ୍ମଲ ଫାଇନାନ୍ସ ବ୍ୟାଙ୍କ ତିଆରି ପାଇଁ ଦେଇଥିବା ଅଫରକୁ ଗ୍ରୀନ ସିଗନାଲ ଦେଇଛି ଆରବିଆଇ ।
ଏହି ଅନୁମୋଦନର ଅଂଶ ସ୍ବରୂପର ଆରବିଆଇ ବ୍ୟାଙ୍କିଙ୍ଗ ରେଗୁଲେସନ ଆକ୍ଟ -1949 ର ଧାରା -22(1) ଅଧିନରେ ବ୍ୟାଙ୍କିଙ୍ଗ ବିଜନେସ ଆରମ୍ଭ କରିବା ଲାଇସେନ୍ସ ଦେବା ଉପରେ ବିଚାର କରିବ ।
