ନୂଆଦିଲ୍ଲୀ: ଅନାଦେୟ ଋଣ(ଏନପିଏ) ସମସ୍ୟାର ସମାଧାନ ପାଇଁ ଦୃଢ ସଙ୍କଳ୍ପବଦ୍ଧ ଅର୍ଥ ମନ୍ତ୍ରଣାଳୟ। ବ୍ୟାଙ୍କ ଗୁଡିକ ଋଣ ପ୍ରଦାନ କ୍ଷମତାକୁ ପ୍ରସାରିତ କରିବା ଆର୍ଥିକ ଭାବରେ ସୁଦୃଢୀକରଣ ପାଇଁ ରଣନୀତି ପ୍ରସ୍ତୁତ ଚାଲିଛି । ତେବେ ଆଗମୀ ବଜେଟରେ ସରକାର ବ୍ୟାଙ୍କ ଗୁଡିକୁ ପ୍ରାୟ 30 ହଜାର କୋଟି ଟଙ୍କା ଦେଇପାରନ୍ତି ।
ବ୍ୟାଙ୍କ ଗୁଡିକୁ ସୁଧାରିବା ପାଇଁ ସାର୍ବଜନୀନ କ୍ଷେତ୍ରରେ ବ୍ୟାଙ୍କୁ ଫଣ୍ଡ ଜାରି କରିବା ନିହାତି ଆବଶ୍ୟକ । ଫସିରହିଥିବା ଋଣ, ଜାଲିଆତି ମାମଲା , ନଗଦ ସଙ୍କଟ ମଧ୍ୟରେ ବ୍ୟାଙ୍କ ଫସି ଚାଲିଛି । ଏଣୁ ବ୍ୟାଙ୍କଗୁଡିକୁ ପୁଣି ମଜବୁତ ହେବାକୁ ତେତେ ପୁଞ୍ଜି ଆବଶ୍ୟକ ସେ ନେଇ ହିସାବ କରି କିଭଳି ଅଭିବୃଦ୍ଧି ହେବ ତା ପ୍ରତି ଚେଷ୍ଟା କରିବାକୁ ପଡିବ।
ତେବେ ବର୍ତ୍ତମାନ ସମୟରେ ସରକାରଙ୍କ ନିୟନ୍ତ୍ରଣରେ ରହିଥିବା 5 ବ୍ୟାଙ୍କକୁ ଆରବିଆଇର ପ୍ରମ୍ପଟ କରେକ୍ଟିଭ ଆକ୍ସନ(PCA) ଅଧିନରେ ଅଣାଯିବ। ଯେଉଁଥିରେ 3 ମାନକ ମୁତାବକ ଏକ ନ୍ୟୁନତମ ନିୟାମକ ପୁଞ୍ଜି ଅନୁପାତର ଆବଶ୍ୟକତା ରହିଛି । କାରଣ ସରକାରୀ ଅଧିନସ୍ଥ ବ୍ୟାଙ୍କ ଗୁଡିକୁ ଋଣ ପାଇଁ ଫଣ୍ଡର ଦରକାର ରହିଥାଏ ।2018-19 ଆର୍ଥିକ ବର୍ଷରେ ସରକାର ରାଷ୍ଟ୍ରାୟାତ ବ୍ୟାଙ୍କକୁ 1,06,000 ଟଙ୍କା ଦେଇଥିଲେ । ଯାହାକି ପୂର୍ବ ବର୍ଷ ତୁଳନା ବହୁ ଅଧିକା ।
ଗତ 17ରୁ ସପ୍ତଦଶ ଲୋକସଭାର ପ୍ରଥମ ଅଧିବେଶନ ଆରମ୍ଭ ହୋଇଛି । ଜୁଲାଇ 5ରେ ନୂଆ ଅର୍ଥମନ୍ତ୍ରୀ ନିର୍ମଳା ସୀତାରମଣ ସଂସଦରେ ଆଗତ କରିବେ 2019-20 ଆର୍ଥିକ ବର୍ଷର ପୂର୍ଣ୍ଣାଙ୍ଗ ବଜେଟ। ତେବେ ଏହି ବଜେଟରେ ସରକାର ନିଯୁକ୍ତି, କୃଷି, ଭିତ୍ତିଭୂମି, ଶିଳ୍ପ, କର୍ପୋରେଟ ପ୍ରତିଟି କ୍ଷେତ୍ରରେ ସଂସ୍କାର ଆଣିବାକୁ କରୁଛନ୍ତି ଘନ ଘନ ବୈଠକ । ତେବେ ଚଳତ ଥର ଆସିଥିବା ଜିଡିପି ଓ ବେକାରୀ ରିପୋର୍ଟ ସରକାରଙ୍କ ପାଇଁ ବଜେଟ ତିଆରିରେ ଅଧିକ ଚ୍ୟାଲେଞ୍ଜ ସୃଷ୍ଟି କରିଛି।
