ନୂଆଦିଲ୍ଲୀ: ଲକଡାଉନ ମାଡରେ ଦୁର୍ବଳ ହେଉଛି ଦେଶର ମେରୁଦଣ୍ଡ । କାରବାର ଠପ ଯୋଗୁଁ ହ୍ରାସ ପାଉଛି ଆୟ । ଉତ୍ପାଦନ ବି ନାହିଁ । ଏ ସବୁକୁ ଦୃଷ୍ଟିରେ ରଖି ବିଭିନ୍ନ ରେଟିଙ୍ଗ ଏଜେନ୍ସି ଭାରତର ଅଭିବୃଦ୍ଧି ଅନୁମାନରୁ ପ୍ରବଳ ହ୍ରାସ କରୁଛନ୍ତି ।
ଧୀମା ଅର୍ଥବ୍ୟବସ୍ଥା କୋଭିଡ-19 ପ୍ରଭାବରେ ମାନ୍ଦାମୁହାଁ ହେଲାଣି । ଦେଶ ବ୍ୟାପି ଲକଡାଉନ କାରଣରୁ ଆର୍ଥିକ କାର୍ଯ୍ୟକଳାପ ବାଧାପ୍ରାପ୍ତ ହେଉଛି । କଟକଣା ମଧ୍ୟରେ ରପ୍ତାନୀ ଓ ଯୋଗାଣ ବନ୍ଦ ରହିଛି ।
ବହୁ ଅର୍ଥଶାସ୍ତ୍ରୀଙ୍କ କହିବା ଅନୁଯାୟୀ ମଧ୍ୟ ଭାରତର ପରିସ୍ଥିତି ଭଲ ନାହିଁ । ଯଦି ଦେଶରେ ଲକଡାଉନ ଅଧିକ ସମୟ ଜାରି ରୁହେ ତେବେ ଆର୍ଥିକ ପରିଣାମ ଅଧିକ ଖରାପ ହେବା ସମ୍ଭାବନା ନାହିଁ । ଏଣୁ ଏ ସବୁ ଚ୍ୟାଲେଞ୍ଜର ମୁକାବିଲା ପାଇଁ ପ୍ରଥମେ ଏହାର ସଂକ୍ରମଣକୁ ରୋକିବାକୁ ପଡିବ ।
ଜାଣନ୍ତୁ, କିଏ କେତେ ଖସାଇଲା ଅଭିବୃଦ୍ଧି ଅନୁମାନ
- ଚଳିତ ଆର୍ଥିକ ବର୍ଷ ଭାରତର ଅଭିବୃଦ୍ଧି ହାର 1.5-2.8 ପ୍ରତିଶ ରହିବ ବୋଲି ବିଶ୍ବ ବ୍ୟାଙ୍କର ଅନୁମାନ
- 4 ପ୍ରତିଶତକୁ ଖସାଇଲା ଏସିଆନ ଡେଭଲପମେଣ୍ଟ ବ୍ୟାଙ୍କ
- ଏସ ଆଣ୍ଡ ପି ଗ୍ଲୋବାଲ ରେଟିଂ ଅଭିବୃଦ୍ଧି ପୂର୍ବାନୁମାନକୁ 3.5 ପ୍ରତିଶତକୁ ହ୍ରାସ କରିଛି
- ଫିଚ ରେଟିଂ ର ଅଭିବୃଦ୍ଧି ହାରକୁ 2 ପ୍ରତିଶତ ବୋଲି ଆକଳନ କରିଛି।
- ମୁଡିସ ଇନଭେଷ୍ଟର ସର୍ଭିସେସ 2020 କ୍ୟାଲେଣ୍ଡର ବର୍ଷରେ ଦେଶର ଅଭିବୃଦ୍ଧି ହାର 2.5 ପ୍ରତିଶତ ହେବ ବୋଲି ଆକଳନ କରିଛି।
- ଘରୋଇ ରେଟିଂ ଏଜେନ୍ସି CRISIL ମଧ୍ୟ ଭାରତର ଜିଡିପି 3.5 ପ୍ରତିଶତକୁ ଆକଳନ କରିଛି।
- ନିବେଶ ଏବଂ କ୍ରେଡିଟ ରେଟିଂ ଏଜେନ୍ସି (ICRA) ଜିଡିପି ପ୍ରାସ 2 ପ୍ରତିଶତ ରହିପାରେ ବୋଲି କହିଛି ।
- ଆମେରିକାର ଦଲାଲ ସଂସ୍ଥା ଗୋଲ୍ଡମ୍ୟାନ୍ ସାକ୍ସ ଅନୁମାନରେ ଭାରତର ଜିଡିପି 1.6 ପ୍ରତିଶତ ରହିପାରେ ।
