ବାରିପଦା: ଗତ ୧୮ ତାରିଖରେ ଉଦଳାରେ ଥୁବା ମାରୁତି ସୁଜୁକି ସୋ ରୁମରୁ ଲୁଟ୍ ହୋଇଥିବା ନେଇ ଥାନାରେ ଅଭିଯୋଗ ହୋଇଥିବା ବେଳେ ପୋଲିସ ଘଟଣାର ତଦନ୍ତ କରି ଅଭିଯୁକ୍ତକୁ ଗିରଫ କରିଛି । ଗିରଫ ଅଭିଯୁକ୍ତ ଜଣକ ସୋ ରୁମର ଡ୍ରାଇଭର ବୋଲି ଜଣାଯାଇଛି ।
ମୟୂରଭଞ୍ଜ ଜିଲ୍ଲା ଉଦଳା ମସଜିଦ ଛକ ନିକଟରେ ଥୁବା ମାରୁତି ସୁଜୁକି ସୋ ରୁମରୁ କେହି ଦୁର୍ବୃତ୍ତ ବିଳମ୍ବିତ ରାତିରେ ନଗଦ ୨ ଲକ୍ଷ ୨୬ ହଜାର ଟଙ୍କା ଚୋରି କରି ନେଇଥିବା ୧୮ ତାରିଖ ଉଦଳା ଥାନାରେ ଅଭିଯୋଗ ହୋଇଥିଲା । ପୋଲିସ ଘଟଣାର ତଦନ୍ତ ଆରମ୍ଭ କରିବାର ସପ୍ତାହକ ପରେ ଲୁଟ କରିଥିବା ଅଭିଯୁକ୍ତକୁ ଗିରଫ କରିଛି । ଗିରଫ ଅଭିଯୁକ୍ତ ଜଣକ ଉକ୍ତ ସୋ ରୁମର ଡ୍ରାଇଭର ସତ୍ୟବାନ ପ୍ରଧାନ ବୋଲି ଜଣାଯାଇଛି।
୧୭ ତାରିଖ ବିଳମ୍ବିତ ରାତିରେ ସୋରୁମରେ ପଶି ୨ ଲକ୍ଷ ୨୬ ହଜାର ଟଙ୍କା ଲୁଟ୍ କରିଥିବା ପୋଲିସ ଆଗରେ ସ୍ଵୀକାର କରିଛି । ଚୋରି କରିଥିବା ଟଙ୍କାକୁ ନେଇ ନିଜ ଘର ବାଡିରେ ଏକ ଗାତ ଖୋଳି ପଲିଥିନରେ ଟଙ୍କାକୁ ପୁରାଇ ରଖି ଦେଇଥିଲା ଅଭିଯୁକ୍ତ। ଅଭିଯୁକ୍ତ ଗିରଫ ହେବା ପରେ ପୋଲିସ ଅଭିଯୁକ୍ତ ନିକଟରୁ ୧ ଲକ୍ଷ ୨୦ ହଜାର ଟଙ୍କା ଜବତ ସହ ତାକୁ କୋର୍ଟଚାଲାଣ କରିଛି ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
