ନୂଆଦିଲ୍ଲୀ: କଥାରେ ଅଛି ସ୍ବପ୍ନ ଦେଖିବା କେବେ ବନ୍ଦ କରିବା କଥା ନୁହଁ । କାରଣ ବେଳେବେଳେ ସ୍ବପ୍ନ ସତ ହୋଇଥାଏ । ଏପରିକି ସ୍ବପ୍ନକୁ ଯଦି ତୁମେ ପୂରା କରିବାକୁ ଚାହିଁବ ତେବେ କେବେ ନା କେବେ ଏହା ନିଶ୍ଚୟ ପୁରା ହୋଇପାରେ । ସେହିଭଳି ଏକ ଘଟଣା ଦେଖିବାକୁ ମିଳିଛି ଫରିଦାବାଦର ସଦପୁରା ଗାଁରେ ।
ଭିଡିଓ ସୌଜନ୍ୟ: ବ୍ୟୁରୋ ରିପୋର୍ଟ, ଇଟିଭି ଭାରତ
ଖବରଅନୂସାରେ, ସଦପୁରା ଗାଁର କୁଡେ ରାମ ନାମକ ଜଣେ ବ୍ୟକ୍ତିଙ୍କ ଇଚ୍ଛାଥିଲା, ସେ ଅବସର ସମୟରେ ହେଲିକପ୍ଟରରେ ବସି ଘରକୁ ଆସିବେ । କୁଡେ ରାମ ହରିୟାଣାର ଏକ ସ୍କୁଲରେ ଚତୁର୍ଥ ଶ୍ରେଣୀ କର୍ମଚାରୀ ଭାବେ କାର୍ଯ୍ୟରତ ଥିଲେ । ଆଉ ତାଙ୍କର ପିଲାଦିନୁ ଇଚ୍ଛା ଥିଲା ସେ ହେଲିକପ୍ଟରରେ ବସିବେ । ଆଉ ତାହା ପୁରଣ ମଧ୍ୟ ହୋଇଛି ।
ଗତ ମଙ୍ଗଳବାର ସେ 60 ବର୍ଷ ବୟଲରେ ଯେବେ ସ୍କୁଲରରୁ ଅବସର ନେଲେ ସେ ହେଲିକପ୍ଟରରେ ବସି ଘରକୁ ଆସିଥିଲେ ଏହାସହ ପରିବାର ଲୋକଙ୍କୁ ମଧ୍ୟ ହେଲିକପ୍ଟରରେ ବସାଇ ବୁଲିଥିଲେ । ଆଉ ଓହ୍ଲାଇବା ବେଳେ କହିଥିଲେଯେ, ଆଜି ମୋ ପିଲାଦିନର ସ୍ବପ୍ନ ପୂରଣ ହେଲା ।
