ସମ୍ବଲପୁର: ଯୁଜୁମୁରା ଥାନା ଅନ୍ତର୍ଗତ କଟକ ରାସ୍ତାର ସମ୍ବଲପୁରୀ ଢାବା ନିକଟରେ ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି। ଦୁର୍ଘଟଣାରେ 3 ଜଣ ଗୁରୁତର ଆହତ ହୋଇଛନ୍ତି । ଏକ କୋଇଲା ବୋଝେଇ ଟ୍ରକ ରେଢାଖୋଲ ପଟୁ ସମ୍ବଲପୁର ଆଡକୁ ଆସୁଥିବା ବେଳେ ଟ୍ରକ ଟାୟାର ଫାଟିଯିବାରୁ ଟ୍ରକଟି ଭାରସାମ୍ୟ ହରାଇ ପ୍ରଥମେ ଏକ ବୋଲେରୋ ଓ ପରେ ଏକ କାର ଉପରେ ଚଢି ଯାଇଥିଲା।
କାର ଭିତରେ ଥିବା ଦୁଇ ଜଣ ବ୍ୟକ୍ତି ଏବେବି ଚାପି ହୋଇ ରହିଥିବା ସୂଚନା ମିଳିଛି । ତାଙ୍କର ଉଦ୍ଧାର କାର୍ଯ୍ୟ ବର୍ତ୍ତମାନ ଜାରି ରହିଛି। ତେବେ କାର ଭିତରେ ଥିବା ଵ୍ୟକ୍ତି ଜୀବିତ ନା ମୃତ ସ୍ପଷ୍ଟ ହୋଇ ନାହିଁ । ବୋଲେରା ଡ୍ରାଇଭର ଗୁରୁତର ଭାବେ ଆହତ ହୋଇଛନ୍ତି । ତାଙ୍କୁ ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରାଯାଇଛି । ତେବେ ଆହତଙ୍କ ପରିଚୟ ଏପର୍ଯ୍ୟନ୍ତ ମିଳିପାରିନାହିଁ। ଘଟଣାସ୍ଥଳରେ ଯୁଜୁମୁରା ପୋଲିସ ତଦନ୍ତ ଆରମ୍ଭ କରିଛି । ଅନ୍ୟପକ୍ଷେ ଟ୍ରକ ଡ୍ରାଇଭର୍ ଫେରାର୍ ଅଛି ।
ସମ୍ବଲପୁରରୁ ବାଦଶାହା ଜୁସ୍ମନ ରାଣା, ଇଟିଭି ଭାରତ
