ନୂଆଦିଲ୍ଲୀ: ମଧ୍ୟ ପ୍ରଦେଶ ପୂର୍ବତନ ମୁଖ୍ୟମନ୍ତ୍ରୀ କମଲନାଥଙ୍କ ଉପରେ ବର୍ଷିଲେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା । କଂଗ୍ରେସ ଏତେ ନିଚ୍ଚ ରାଜନୀତି କରୁଛି ଯେ, ସେ ପ୍ରଧାନମନ୍ତ୍ରୀଙ୍କୁ ସମାଲୋଚନା କରିବା ସହ ଦେଶକୁ ମଧ୍ୟ ଅପମାନ କରିବାକୁ ପଛାଉନି । ମଧ୍ୟପ୍ରଦେଶ ବିଜେପି କାର୍ଯ୍ୟକାରୀ କମିଟି ବୈଠକକୁ ସମ୍ବୋଧିତ କରି ନଡ୍ଡା ଏପରି କହିଛନ୍ତି ।
ନାଡ୍ଡା କହିଛନ୍ତି ଯେ, "କମଲନାଥ ଜୀ କହିଛନ୍ତି ଯେ ଭାରତ ମହାନ ନୁହେଁ । ଆପଣଙ୍କର ବିଜେପିକୁ ବିରୋଧ କରିବାକୁ ସ୍ବାଧୀନତା ଅଛି । କିନ୍ତୁ ଭାରତକୁ ଅସମ୍ମାନ କରି କୌଣସି ବିବାଦୀୟ ମନ୍ତବ୍ୟ ଦେବାର ଅଧିକାର ନାହିଁ ।' ଧାରା 370 ରଦ୍ଦ ବିଷୟରେ ନଡ୍ଡା କହିଛନ୍ତି ଯେ, କଂଗ୍ରେସ ସରକାର ଧାରା 370 ଏବଂ 35A କୁ କେବେ ବି ହଟାଇ ପାରିବ ନାହିଁ । କିନ୍ତୁ ପ୍ରଧାନମନ୍ତ୍ରୀ ମୋଦି ତାଙ୍କର ଦୃଢ ଇଚ୍ଛାଶକ୍ତି ଏବଂ ରାଜନୈତିକ ପ୍ରତିବଦ୍ଧତା ପ୍ରଦର୍ଶନ କରିଛନ୍ତି । ଏଥିସହ କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କ ଦକ୍ଷ ଯୋଜନା ଦ୍ବାରା ଜମ୍ମୁ କାଶ୍ମୀରରୁ ଧାରା 370କୁ ହଟାଯାଇଛି ।
ମଧ୍ୟପ୍ରଦେଶରେ କଂଗ୍ରେସ ଶାସନ କରିବାର ଦେଢ ବର୍ଷ ମଧ୍ୟରେ କିପରି ସରକାର ଚୋରାଚାଲାଣ, ଟ୍ରାନ୍ସଫର ଏବଂ ବ୍ୟାପକ ଦୁର୍ନୀତିରେ ନିୟୋଜିତ ହୋଇଥିଲେ ତାହା ଲୋକମାନେ ଦେଖିଥିଲେ । ସେହି ସମୟ ମଧ୍ୟରେ ସମସ୍ତ ବିକାଶମୂଳକ କାର୍ଯ୍ୟ ସ୍ଥଗିତ ରହିଥିଲା ଏବଂ ସରକାରଙ୍କ ମିଶନରେ ପରିଣତ ହୋଇଥିଲା । କଂଗ୍ରେସ ସରକାର ସମାଜର ପ୍ରତ୍ୟେକ ବିଭାଗକୁ ପ୍ରତାରଣା କରି ବୋକା ବନାଇଛନ୍ତି ବୋଲି ଜେପି ନଡ୍ଡା କହିଛନ୍ତି ।
@IANS
