ପାନାଜୀ: ଗୋଆ ରାଜଧାନୀ ପାନାଜୀ ଆସନରୁ ପରାସ୍ତ ହେଲେ ସ୍ବାଧୀନ ପ୍ରାର୍ଥୀ ଭାବେ ନିର୍ବାଚନ ଲଢୁଥିବା ପୂର୍ବତନ ମୁଖ୍ୟମନ୍ତ୍ରୀ ମନୋହର ପାରିକରଙ୍କ ପୁଅ ଉତ୍ପଲ ପାରିକର । ବିଜେପି ପ୍ରାର୍ଥୀ ବାବୁସ ମନସେରାତଙ୍କ ଠାରୁ ପରାସ୍ତ ହୋଇଥିବା ସୂଚନା ମିଳିଛି ।
ବିଜେପିରୁ ପାନଜୀ ଆସନ ପାଇଁ ଟିକେଟ ଆଶାୟୀ ଥିବା ଉତ୍ପଲଙ୍କୁ ଦଳ ନିରାଶ କରିବା ପରେ ସେ ସ୍ବାଧୀନ ଭାବେ ନିଜ ବାପାଙ୍କ ପାରମ୍ପାରିକ ଆସନରୁ ନିର୍ବାଚନ ଲଢିଥିଲେ । ତେବେ ବାପାଙ୍କ ଦେହାନ୍ତ ପରେ ପ୍ରଥମ ଥର ନିର୍ବାଚନୀ ମୈଦାନରେ ନିର୍ଦଳୀୟ ଭାବେ ନିଜ ଭାଗ୍ୟ ପରୀକ୍ଷା କରିଥିବା ଉତ୍ପଲ ବିଜେପିକୁ ମାତ ଦେବାରେ ବିଫଳ ହୋଇ ପରାଜୟର ସ୍ବାଦ ଚାଖିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
