ନୂଆଦିଲ୍ଲୀ: ଭୁଶୁଡିଲା ନିର୍ମାଣଧୀନ କୋଠରା କାନ୍ଥ, ୨ ଶ୍ରମିକ ମୃତ । ଏଭଳି ଅଭାବନୀୟ ଘଟଣା ଘଟିଛି ଦିଲ୍ଲୀ ନଏଡାରେ । ଏନେଇ ଜଣେ ପୋଲିସ ଅଧିକାରୀ ସୂଚନା ଦେଇଥିବା ଜଣାପଡିଛି । ଅଧିକାରୀଙ୍କ କହିବା ଅନୁଯାୟୀ ଗତକାଲି ରାତି ୮ ସମୟରେ ଏହି ଦୁର୍ଘଟଣା ଘଟିଥିଲା । ନୋଏଡା ସେକ୍ଟର ୨ରେ ଏକ ଚାରିମହଲା କୋଠା ନିର୍ମାଣ ହେଉଥିଲା । ତେବେ ହଠାତ ଏହାର କାନ୍ଥ ଭୁଶୁଡିଥିଲା । ଫଳରେ ସେଠାରେ କାର୍ଯ୍ୟରତ ଥିବା ୨ଜଣ କର୍ମଚାରୀଙ୍କ ମୃତ୍ୟୁ ହୋଇଥିଲା ।
ଏନେଇ ଘଟଣାସ୍ଥଳରେ ଉତ୍ତେଜନା ପ୍ରକାଶ ପାଇଥିବା ବେଳେ ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଗୁରୁତର ଆହତ ହୋଇଥିବା ୨ କର୍ମଚାରୀଙ୍କୁ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରିଥିଲା । କିନ୍ତୁ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ । ତେବେ ନିର୍ମାଣଧିନ ବିଲ୍ଡିଂର ମାଲିକ ଆମେରିକାରେ ରୁହୁଥିବା ବେଳେ ଏନେଇ ପୋଲିସ ଅଧିକ ତଦନ୍ତ ଆରମ୍ଭ କରିଛି ।
