ଚେନ୍ନାଇ: କୋରୋନାରେ ପ୍ରାଣ ହରାଇଲେ ତାମିଲନାଡୁ ନିର୍ବାଚନ ଲଢିଥିବା କଂଗ୍ରେସ ପ୍ରାର୍ଥୀ । ନିକଟରେ ତାମିିଲନାଡୁରେ ହୋଇଥିବା ବିଧାନସଭା ନିର୍ବାଚନରେ ସେ ଭାଗନେଇ ନିର୍ବାଚନ ଲଢିଥିଲେ । ମାଧବ ରାଓ ଶ୍ରୀଭିଲ୍ଲୀପୁତର ବିଧାନସଭା ଆସନରୁ କଂଗ୍ରେସ ପ୍ରାର୍ଥୀ ଭାବରେ ନିର୍ବାଚନ ଲଢିଥିଲେ ।
ତାମିଲନାଡୁର ବିରୁଧନଗର ଜିଲ୍ଲାର ଶ୍ରୀଭିଲ୍ଲିପୁତରର ପିଏସଡବ୍ଲୁ ମାଧବ ରାଓ ଗତ ମାସ ପୂର୍ବରୁ କୋରୋନା ଆକ୍ରାନ୍ତ ହୋଇ ଚିକିତ୍ସିତ ହେଉଥିଲେ । ଆଜି ଡାକ୍ତରଖାନାରେ ଚିକିତ୍ସାଧୀନ ଅବସ୍ଥାରେ ମୃତ୍ୟୁବରଣ କରିଛନ୍ତି । ଯଦି ସେ ନିର୍ବାଚନରେ ବିଜୟୀ ହୁଅନ୍ତି ତେବେ ସେଠାରେ ଉପନିର୍ବାଚନ କରାଯିବ । ମାଧବ ରାଓ ମୃତ୍ୟୁକୁ ନେଇ ସର୍ବଭାରତୀୟ କଂଗ୍ରେସ କମିଟିର ତାମିଲନା଼ଡୁ ଓ ପୁଡୁଚେରୀ କାର୍ଯ୍ୟକାରୀ ଇନଚାର୍ଜ ଦୁଃଖ ପ୍ରକାଶ କରିଛନ୍ତି । କଂଗ୍ରେସ ପ୍ରାର୍ଥୀ ମାଧବ ରାଓଙ୍କ ମୃତ୍ୟୁକୁ ନେଇ ଗଭୀର ଦୁଃଖ ପ୍ରକାଶ କରିଛନ୍ତି ଏବଂ ତାଙ୍କର ଅମର ଆତ୍ମାର ସଦଗତି କାମନା କରିବା ସହ ପରିବାରକୁ ଗଭୀର ସମବେଦନା ଜଣାଇଛନ୍ତି ।
ସୂଚନାଥାଉକି ଗତ ଅପ୍ରେଲ 6 ତାରିଖରେ 234 ଆସନ ବିଶିଷ୍ଟ ତାମିଲନାଡୁ ବିଧାନସଭାରେ ନିର୍ବାଚନ ଅନୁଷ୍ଠିତ ହୋଇଛି । ଏହି ନିର୍ବାଚନରେ ସେ କଂଗ୍ରେସ ପ୍ରାର୍ଥୀ ଭାବରେ ନିର୍ବାଚନ ରଣାଙ୍ଗାନରେ ଓହ୍ଲାଇଥିଲେ । ଆସନ୍ତା ମେ 2 ତାରିଖରେ ଫଳାଫଳ ଘୋଷଣା ହେବ ।
ବ୍ୟୁରୋ ରିପୋର୍ଟ,ଇଟିଭି ଭାରତ
