ହାଇଦ୍ରାବାଦ: ଦ୍ୱିତୀୟ ବିବାହକୁ ନେଇ ଏବେ ଚର୍ଚ୍ଚାରେ ଅଛନ୍ତି ଆଇଏଏସ୍ ଟପ୍ପର ଟିନା ଡାବି। ଏହି ସମୟରେ ସୋସିଆଲ ମିଡିଆରେ ମିଳୁଥିବା ଶୁଭକାମନା ପାଇଁ ସେ ଏକ ପୋଷ୍ଟ ସେୟାର କରି ଲୋକଙ୍କୁ ଧନ୍ୟବାଦ ଜଣାଉଛନ୍ତି । ୨୦୧୫ ମସିହାରେ ସିଭିଲ ସର୍ଭିସ୍ ପରୀକ୍ଷାରେ ସାରା ଦେଶରେ ଏକ ନମ୍ବର ସ୍ଥାନ ଅଧିକାର କରିଥିବା ଟିନା ଡାବି ରାଜସ୍ଥାନ ପ୍ରତ୍ନତତ୍ତ୍ବ ବିଭାଗର ନିର୍ଦ୍ଦେଶକ ପ୍ରଦୀପ ଗୱାଣ୍ଡେଙ୍କୁ ବିବାହ କରିବାକୁ ଯାଉଛନ୍ତି।
- " class="align-text-top noRightClick twitterSection" data="
">
ଗତକାଲି ପ୍ରଦିପ ଗଣ୍ଡାୱେଙ୍କ ସହ ବିବାହ ଘୋଷଣା କରିବା ପରେ ଟିନା ଡାବି ଚର୍ଚ୍ଚାକୁ ଆସିଛନ୍ତି। ବର୍ତ୍ତମାନ ଇନଷ୍ଟାଗ୍ରାମରେ ପ୍ରଦୀପ ଗଣ୍ଡାୱେଙ୍କ ସହ ତାଙ୍କ କିଛି ଫଟୋ ସେୟାର କରି ସେ ଲେଖିଛନ୍ତି - 'ସୋସିଆଲ ମିଡିଆରେ କଲ, ମେସେଜ ଏବଂ ଶୁଭେଚ୍ଛା ପାଇଁ ମୁଁ ସମସ୍ତଙ୍କୁ ଧନ୍ୟବାଦ ଦେବାକୁ ଚାହୁଁଛି । ଗତ 24 ଘଣ୍ଟା ମଧ୍ୟରେ ଆମେ ପାଇଥିବା ଭଲପାଇବା ଅତୁଳନୀୟ, ବିଶେଷକରି ମହାରାଷ୍ଟ୍ରରୁ । ପ୍ରକୃତରେ କୃତଜ୍ଞ ।'
- " class="align-text-top noRightClick twitterSection" data="
">
ଏଥିସହିତ ପ୍ରଦିପ ଗଣ୍ଡାୱେ ଟିନା ଡାବିଙ୍କ ସହ କିଛି ରୋମାଣ୍ଟିକ ଫଟୋ ମଧ୍ୟ ସେୟାର କରିଛନ୍ତି । ଫଟୋରେ, ସେ ଏବଂ ଟିନା ପରିବାର ସହିତ ନଜର ଆସିଛନ୍ତି । ପ୍ରଦୀପ ଲେଖିଛନ୍ତି- "ପାରିବାରିକ ସମାରୋହର କିଛି ମୁହୂର୍ତ୍ତ ବାଣ୍ଟୁଛି ।" ଇନଷ୍ଟାଗ୍ରାମରେ ପୋଷ୍ଟ କରାଯାଇଥିବା ବିବାହ ସମାରୋହ କାର୍ଡରେ କାର୍ଯ୍ୟକ୍ରମର ତାରିଖ ଏବଂ ସ୍ଥାନ ଉଲ୍ଲେଖ କରାଯାଇଛି । ଏକ ସୁତ୍ର ମୁତାବିକ, ଉଭୟ ଏପ୍ରିଲ 22 ରେ ଜୟପୁରର ଏକ ଘରୋଇ ହୋଟେଲରେ ବିବାହ କରିବାକୁ ଯାଉଛନ୍ତି ।
- " class="align-text-top noRightClick twitterSection" data="
">
ସୂନନାଯୋଗ୍ୟ ଯେ, ପୁଣି ଥରେ ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି ଟିନା ଡାବି । ଟିନା ଡାବି ସୋମବାର ତାଙ୍କ ଅଫିସିଆଲ୍ ଇନଷ୍ଟାଗ୍ରାମ ଆକାଉଣ୍ଟରେ ନିଜ ଜୀବନ ସାଥୀଙ୍କ ସହ ଫଟୋ ପୋଷ୍ଟ କରିଥିଲେ । ଟିନା ଡାବି ୨୦୧୩ ବ୍ୟାଚର ଆଇଏଏସ ଅଧିକାରୀ ପ୍ରଦୀପ ଗୱାଣ୍ଡେଙ୍କୁ ବିବାହ କରିବେ । ପ୍ରଦୀପ ଗୱାଣ୍ଡେ ରାଜସ୍ଥାନ କ୍ୟାଡରର ୨୦୧୩ ବ୍ୟାଚ୍ ଆଇଏଏସ ଅଧିକାରୀ । ବର୍ତ୍ତମାନ ପ୍ରଦୀପ ଗୱାଣ୍ଡେ ପ୍ରତ୍ନତତ୍ତ୍ୱ ଏବଂ ସଂଗ୍ରହାଳୟର ନିର୍ଦ୍ଦେଶକ ପଦରେ ଅଛନ୍ତି।
ଏହା ବି ପଢନ୍ତୁ: ଦ୍ୱିତୀୟ ବିବାହ କରିବାକୁ ଯାଉଛନ୍ତି ଚର୍ଚ୍ଚିତ IAS ଟପ୍ପର ଟିନା ଡାବି, ଇନଷ୍ଟାରେ ସେୟାର କଲେ ଫଟୋ
ଅତହର ଖାନଙ୍କୁ ବିବାହ କରିଥିଲେ ଟିନା
ଏହାପୂର୍ବରୁ ଟିନା ଡାବି ୨୦୧୮ ମସିହାରେ ଆଇଏଏସ୍ ଅତହର ଖାନଙ୍କୁ ବିବାହ କରିଥିଲେ । ୨୦୧୫ ୟୁପିଏସସି ପରୀକ୍ଷାରେ ଟିନା ଡାବି ଟପ୍ପର ରହିଥିବା ବେଳେ ଦ୍ୱିତୀୟରେ ରହିଥିଲେ ଅତହର ଖାନ । ମସୁରୀରେ ଥିବା ଲାଲ ବାହାଦୁର ଶାସ୍ତ୍ରୀ ନ୍ୟାସନାଲ ଆକାଡେମି ଫର ଆଡମିନିଷ୍ଟ୍ରେସନରେ ଉଭୟଙ୍କ ସାକ୍ଷାତ ହେବା ପରେ ପ୍ରେମ ସମ୍ପର୍କ ଗଢି ଉଠିଥିଲା । କିନ୍ତୁ ଅତହର ଓ ଟିନାଙ୍କ ବିବାହ ଅଧିକ ଦିନ ତିଷ୍ଠି ରହିନଥିଲା। ୨୦୨୦ରେ ପରସ୍ପରର ସହମତିରେ ଉଭୟ ଛାଡ଼ପତ୍ର ନେଇଥିଲେ। ସେହି ସମୟରେ ଛାଡ଼ପତ୍ର ଯୋଗୁଁ ଉଭୟେ ଚର୍ଚ୍ଚାକୁ ଆସିଥିଲେ।
- " class="align-text-top noRightClick twitterSection" data="
">
ଏହା ବି ପଢନ୍ତୁ: ଅଲଗା ହେଲେ ଚର୍ଚ୍ଚିତ IAS ଟିନା-ଅତହର
ଟିନା ଡାବିଙ୍କ ପରିବାର
ଟିନା ଡାବିଙ୍କ ସାନ ଭଉଣୀ ରିୟା ଡାବି ମଧ୍ୟ ଜଣେ ଆଇଏଏସ୍ ଅଧିକାରୀ । ସିଭିଲ୍ ସର୍ଭିସେସ୍ ପରୀକ୍ଷା 2020-21 ର ଟପ୍ପରମାନଙ୍କ ମଧ୍ୟରେ ରିୟା ରହିଛନ୍ତି । ସେ UPSC ପରୀକ୍ଷାରେ 15 ତମ ରାଙ୍କ ହାସଲ କରିଥିଲେ । ଏନେଇ ଟିନା ଡାବି ନିଜେ ଇନଷ୍ଟାଗ୍ରାମରେ ପୋଷ୍ଟ କରି କହିଥିଲେ- 'ମୋର ସାନ ଭଉଣୀ ରିୟା ଦାବି UPSC 2020 ପରୀକ୍ଷାରେ 15 ତମ ସ୍ଥାନ ହାସଲ କରିଛନ୍ତି ବୋଲି ମୁଁ ଖୁସି ଅଟେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
