ଶ୍ରୀନଗର: ପୁଣି ସୀମାରେ ଗୁଳି ବିନିମୟ । ଜମ୍ମୁ-କାଶ୍ମୀର ବାରମୁଲ୍ଲା ଜିଲ୍ଲା ୱାରପୋରାର ସୋପର ଅଞ୍ଚଳରେ ସୁରକ୍ଷାବାହିନୀ ଓ ଆତଙ୍କବାଦୀଙ୍କ ମଧ୍ୟରେ ଗୁଳି ବିନିମୟ ହୋଇଛି । ଏଥିରେ ଦୁଇଜଣ ଆତଙ୍କୀଙ୍କୁ ନିପାତ କରିବାର ସଫଳ ହୋଇଛି କାଶ୍ମୀର ପୋଲିସ ।
ବର୍ତ୍ତମାନ ମଧ୍ୟ ଘଟଣାସ୍ଥଳରେ ସର୍ଚ୍ଚ ଅପରେସନ ଜାରି ରହିଛି । କାଶ୍ମୀର ପୋଲିସର ସୂଚନା ଅନୁସାରେ ୱାରପୋରା ଗାଁରେ ଟପ ଆତଙ୍କୀ କମାଣ୍ଡର ଲୁଚି ରହିଥିବା ନେଇ ସୂଚନା ପାଇଥିଲେ । ସେମାନଙ୍କୁ କାବୁ କରିବାକୁ ସର୍ଚ୍ଚ ଅପରେସନ ଆରମ୍ଭ ହୋଇଥିଲା । ଏନକାଉଣ୍ଟରରେ ଲସ୍କର-ଏ-ତୋଏବାର ଦୁଇଜଣେ ଆତଙ୍କୀ ସଫା ହୋଇଛି । ସେମାନଙ୍କଠାରୁ ବହୁ ଅସ୍ତ୍ରଶସ୍ତ୍ର ଜବତ ହୋଇଛି । ଫେୟାଜ ୱାର ନାମକ ଆତଙ୍କୀ ଦକ୍ଷିଣ କାଶ୍ନୀରରେ ବହୁ ହିଂସାକାଣ୍ଡରେ ଜଡିତ ଥିବା କହିଛନ୍ତି ଆଇଜିପି ବିଜୟ କୁମାର ।
ପ୍ରକାଶ ଥାଉ କି, ଜୁଲାଇ 19 ତାରିଖରେ ଜମ୍ମୁ କାଶ୍ମୀର ସୋପିଆନର ସାଦିଖ ଖାନ ଅଞ୍ଚଳରେ ସୁରକ୍ଷାବାହିନୀ ଓ ଆତଙ୍କବାଦୀଙ୍କ ମଧ୍ୟରେ ଗୁଳି ବିନିମୟ ହୋଇଥିଲା । ଏଥିରେ ଲସ୍କର-ଏ-ତୋଏବାର ଦୁଇ ଟପ ଆତଙ୍କୀଙ୍କୁ ନିପାତ କରିଥିଲା ସୁରକ୍ଷାବାହିନୀ । ଚଳିତ ବର୍ଷ କାଶ୍ମୀର ଜୋନରେ ସମୁଦାୟ ୭୮ ଆତଙ୍କୀଙ୍କୁ ନିପାତ କରିଛି ସୁରକ୍ଷାବାହିନୀ । ଯାହା ଏକ ବଡ ସଫଳତା ବୋଲି କହିଛନ୍ତି ଆଇଜିପି ବିଜୟ କୁମାର ।
@ANI
