ନୂଆଦିଲ୍ଲୀ: ଦିଲ୍ଲୀ ଆକାଶରେ ଉଡ଼ିବ ସ୍ବଦେଶୀ ନିର୍ମିତ 1000 ଡ୍ରୋନ । ଆଜି(ଶନିବାର) ବିଜୟ ଛକରେ ବିଟିଂ ରିଟ୍ରିଟ ସମାରୋହରେ ଖୋଲା ଆକାଶରେ ଆକର୍ଷଣ ଦେଖାଇବେ ଏହି 1000ଟି ଡ୍ରୋନ । ଏହି କାର୍ଯ୍ୟକ୍ରମରେ ରାଷ୍ଟ୍ରପତି ରାମନାଥ କୋବିନ୍ଦ ଯୋଗ ଦେବାର କାର୍ଯ୍ୟକ୍ରମ ରହିଛି । ଏଥସହ ସଶସ୍ତ୍ର ବାହିନୀ ମଧ୍ୟ ଉପସ୍ଥିତ ରହିବେ ।
ଆଜି ନୂଆଦିଲ୍ଲୀର ବିଜୟ ଚୌକ ଠାରେ ଡ୍ରୋନ ପ୍ରଦର୍ଶନ ଏକ ପ୍ରମୁଖ ଆକର୍ଷଣର କେନ୍ଦ୍ରବିନ୍ଦୁ ପାଲଟିବ । ମନ୍ତ୍ରୀ ଜିତେନ୍ଦ୍ର ସିଂହଙ୍କ ସୂଚନା ଅନୁସାରେ ଚୀନ, ଋଷ ଓ ବ୍ରିଟେନ ପରେ ଭାରତ ଚତୁର୍ଥ ଦେଶ ହେବ । ଯିଏକି ଏକସଙ୍ଗରେ 1000ଟି ଡ୍ରୋନ ଉଡ଼ାଇବାର କ୍ଷମତା ରଖିବ।
ପ୍ରତିରକ୍ଷା ମନ୍ତ୍ରୀଙ୍କ ସୂଚନା ଅନୁଯାୟୀ, ଆଜାଦୀ କା ଅମୃତ ମହୋତ୍ସବରେ ଆୟୋଜିତ ଏହି 10 ମିନିଟର ଡ୍ରୋନ ସୋ ଷ୍ଟାର୍ଟଅପ୍ ବୋଟଲାବ୍ ଡାଇନାମିକ୍ସ ଦ୍ବାରା ବ୍ୟବସ୍ଥା କରାଯାଇଛି । ଏବଂ ଭାରତୀୟ ବୈଷୟିକ ସଂସ୍ଥାନ, ଦିଲ୍ଲୀ ଓ ବିଜ୍ଞାନ, ବୈଷୟିକ ବିଭାଗ ଦ୍ବାରା ଏହାକୁ ନିର୍ମାଣ କରାଯାଇଛି । ତେବେ ଭାରତ ହେଉଛି ଚତୁର୍ଥ ଦେଶ ଯାହା ଏହି ମାନବ ବିହୀନ ଡ୍ରୋନକୁ ବହୁ ପରିମାଣରେ ପ୍ରଦର୍ଶନ କରିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
