ସଂସଦରୁ ବହିଷ୍କାର ମାମଲା: ମହୁଆଙ୍କ ଆବେଦନ ଗ୍ରହଣ କଲେ ସୁପ୍ରିମକୋର୍ଟ, ଜାନୁଆରି ୩ରେ ଶୁଣାଣି

SC agrees to examine Mahua Moitra plea: ସୁପ୍ରିମକୋର୍ଟରେ ମହୁଆ ମୋଇତ୍ରଙ୍କ ସଂସଦରୁ ବହିଷ୍କାର ମାମଲା । ଶୁଣାଣି ପାଇଁ ଗ୍ରହଣ କଲେ ସର୍ବୋଚ୍ଚ ନ୍ୟାୟାଳୟ । ଜାନୁଆରି ୩ରେ ପରବର୍ତ୍ତୀ ଶୁଣାଣି। ଅଧିକ ପଢ଼ନ୍ତୁ,

ନୂଆଦିଲ୍ଲୀ: ସୁପ୍ରିମକୋର୍ଟରେ ପ୍ରଶ୍ନ ପାଇଁ ଲାଞ୍ଚ ମାମଲା । ଲୋକସଭାରୁ ବହିଷ୍କୃତ ହୋଇଥିବା ଟିଏମସି ସାଂସଦ ମହୁଆ ମୋଇତ୍ରଙ୍କ ଆବେଦନ ଗ୍ରହଣ କରିଛନ୍ତି ସୁପ୍ରିମକୋର୍ଟ । ଆସନ୍ତା ଜାନୁଆରି ୩ ତାରିଖରେ ମାମଲାର ଶୁଣାଣି କରିବେ ସର୍ବୋଚ୍ଚ ନ୍ୟାୟାଳୟ । ସଂସଦରୁ ବହିଷ୍କାରକୁ ସୁପ୍ରିମକୋର୍ଟରେ ଚ୍ୟାଲେଞ୍ଜ କରିଥିଲେ ମହୁଆ । ସୁପ୍ରିମକୋର୍ଟ ବିଚାରପଚତି ଜଷ୍ଟିସ ସଂଜୟ ଖାନ୍ନା ଏବଂ ଜଷ୍ଟିସ ଏସ୍.ଭି.ଏନ୍ ଭଟ୍ଟିଙ୍କ ଅଧ୍ଯକ୍ଷତାରେ ଗଠିତ ଖଣ୍ଡପୀଠ, ମାମଲାକୁ ଗ୍ରହଣ କରିବା ସହିତ କହିଛନ୍ତି ଯେ, ଅଭିଯୋଗ ସଂପର୍କରେ ସଂପୂର୍ଣ୍ଣ ତଥ୍ଯ ଜାଣିବା ପାଇଁ ଅଧିକ ସମୟ ଆବଶ୍ୟକ । ୨୦୨୪ ଜାନୁଆରି ୩ ତାରିଖରେ ମାମଲାର ପରବର୍ତ୍ତୀ ଶୁଣାଣି ହେବ ।

ମହୁଆ ମୋଇତ୍ରଙ୍କ ପକ୍ଷରୁ ମାମଲା ଲଢୁଛନ୍ତି ବରିଷ୍ଠ ଆଇନଜୀବୀ ଏଏମ ସିଂହଭି । ସେ ମହୁଆଙ୍କ ପିଟିସନ ଦାଖଲ କରିବା ସହ ଯୁକ୍ତି ବାଢ଼ିଥିଲେ । ତେବେ ଜଷ୍ଟିସ ଖାନ୍ନା କହିଥିଲେ ଯେ, ଆମକୁ ଏସଂପର୍କରେ ଜାଣିବା ପାଇଁ ପିଟିସନକୁ ପଢ଼ିବାକୁ ପଡ଼ିବ । ତେଣୁ ଏଥିପାଇଁ ଅଧିକ ସମୟ ଦରକାର । ଶୀତ ଛୁଟି ପରେ କୋର୍ଟ ଖୋଲିବା ଏବଂ ତାପରେ ମାମଲାର ଶୁଣାଣି କରାଯିବ ବୋଲି ସୁପ୍ରିମକୋର୍ଟଙ୍କ ଦୁଇ ଜଣିଆ ଖଣ୍ଡପୀଠ କହିଛନ୍ତି ।